ՄԱՐԶԱԿԱՆ ԿԱՐՃ ԼՈՒՐԵՐ

0
134

-Ֆութպոլային Հետազօտութեան Միջազգային Կեդրոնը   հրապարակեց  Եւրոպայի  յառաջատար  հինգ   առաջնութիւններուն մէջ  հանդէս եկող ամենասուղ ակումբներուն ցանկը՝ մեկնելով   փոխանցման շուկաներու վրայ  անոնց ֆութպոլիստներուն  ընդհանուր  արժէքէն:  Այս հետազօտութեան լոյսին տակ,  սպանական Պարչելոնա խումբը կ’արժէ  658 միլիոն եուրօ:

– Ռէալ Մատրիտի  եւ Սպանիոյ հաւաքականի  բերդապահ  Իկէր Գասիյաս մտադրած է  2014-ի Մոնտիալէն ետք  լքել   միջազգային  ասպարէզը:  Գասիյաս յայտնեց, թէ ինք՝ Զաւին,  Փույոլը, Ալոնսօն, Վիլլան եւ Թորէսը արդէն  երիտասարդ չեն  եւ   կը մօտենայ  զիրենք նոր ուժերով  փոխարինելու ժամանակը:

– Ռէալ Մատրիտ  ակումբի  տնօրէնութիւնը մտադրած է ամառնային  փոխանցումներու  ընթացքին ապահովել կիսապաշտպաններ՝ Արթուրօ Վիթալը, Իսկօն, Ժոզէ  Գոնգոկպիան, յարձակողներ ԼուիսՍուարէզը,  Ռոպերթ Լեվանտոսվսքին եւ  Էտինսոն Գաւանին:  Սպանական ակումբը  վստահ է, որ  յառաջիկայ ժամերուն Գառլօ Անճելոթի  պաշտօնապէս պիտի նշանկուի  գլխաւոր մարզիչ:

– Լիվըրփուլ  պաշտօնապէս  ձեռք բերաւ  Չելթա Վիկօ խումբի  յարձակող Իակօ  Ասփասը:  25-ամեայ յարձակողը  երեք տարուան պայմանագրութւին մը կնքեց անգլիական ակումբին հետ : Անցնող   մարզաշրջանին,  Ասփաս  12 կոլ նշանակած է  Չելթայի հետ մասնակցած  34 մրցումներուն  ընթացքին: 

–  Քրիսթիանօ Ռոնալտօ  հերքեց Ռէալ Մատրիտի հետ նոր պայմանագրութիւն մը կնքած ըլլալու մասին տեղեկութիւնները:  Փորթուգալացի  ֆութպոլիստին պայմանագրութիւնը  Ռէալի հետ կ’աւարտի  2015-ին:   Հինգ    ակումբներ՝ Մոնաքօ, Փարի Սէն Ժերմէն, Մանչեսթըր Եունայթըտ, Մանչեսթըր Սիթի եւ Չելսի  կը մրցին ունենալու 28-ամեայ  ֆիութպոլիստին ստորագրութիւնը:

Ֆրանսայի  2013-14  մարզաշրջանի ֆութպոլի ախոյեանութեան  վարագոյրը պիտի բարձրանայ  10 Օգոստոսին:

Ստորեւ առաջին օրուան մրցումներուն յայտագիրը.

 Այաքսիօ – Սէն Թեթիէն

Պորտօ – Մոնաքօ

Էվիան- Սողօ

Կենկան – Մարսէյ

Լիոն – Նիս

Մոնփելիյէ – Փարի Սէն Ժերմէն

 Նանթ – Պասթիա

 Ռէն – Ռիմ

Վալանսիյէն –  Թուլուզ

–         Գերմանիան ներկայացնող բռնցքամարտիկ Սիւզի Կենտիկեան փոխվրէժի մրցում մը պիտի կատարէ կանանց  թեթեւ ծանրութեան կարգի աշխարհի ախոյեան Գարինա Մորենոյի դէմ:  Մենամարտը տեղի պիտի ունենայ Տորթմունտի մէջ, 6 Յուլիսին:  Յիշեցնենք, թէ 25-ամեայ Կենտիկեան անցեալ Դեկտեմբերին  Մորենոյի  առջեւ կորսնցուցած էր  աշխարհի ախոյեանութեան տիտղոսը:

 

 

 

LEAVE A REPLY

Please enter your comment!
Please enter your name here