ՍԸԼԷՅՄԱՆ ԿԸ ԴԱՏԱՊԱՐՏԷ ԼԻԲԱՆԱՆԻ ԵՒ ՍՈՒՐԻՈՅ ՄԻՋԵՒ ԵՐԿՈՒՍՏԷՔ ՈՏՆՁԳՈՒԹԻՒՆՆԵՐԸ

0
121

Հանրապետութեան նախագահ Միշէլ Սըլէյման Պաապտայի պալատին մէջ ընդունեց  երեսփոխան Իմէտ Հութը, նախկին  նախարար Միշէլ Էտտէն,  Խորհրդատուներու Խորհուրդի  նախագահ,  դատախազ  Շըքրի Սատըրը եւ այլ անձնաւորութիւններ:  Սըլէյման  շեշտեց Լիբանանի եւ Սուրիոյ  միջեւ  գոյութիւն ունեցող փոխադարձ համաձայնութիւնները եւ  դատապարտեց  երկո երկիրներուն միջեւ տեղի ունեցող երկկողմանի  ոտնձգութիւնները:  Այս ծիրին մէջ  Լիբանան  պաշտօնական  բողոք մը ներկայացուցած է Արաբական Լիկային եւ ՄԱԿին,  դատապարտելով զոյգ երկիրներուն  գերիշխանութիւնները խանգարելու փորձերը: մերժելով՝Նախագահը   ստորագրեց աշխատավարձերու յաւելման  թղթածրարին տակ եւ  ղրկեց  խորհրդարան: Սեփական վարժարաններու ուսուցիչներու սենտիքայի նախագահ   Նաամէ Մահֆուզ  յայտարարեց, թէ հանրապետութեան նախագահը արդէն իսկ ստորագրած է  աշխատավարձերու յաւելման  օրինագիծը, այժմ կը մնայ որ խորհրդարանը  վաւերացնէ զայն:Ան նշեց, թէ  պետական քննութիւնները  տեղի պիտի  ունենան իրենց նշեալ ժամկէտին Մահֆուզ մերժեց կարգ մը  շրջաններու մէջ  քննութիւնները    յետաձգելու առաջարկները:

Սենտիքաներու համագործակցութեան խորհուրդի  պետ Հանա Ղարիպ  գոհունակութիւն յայտնեց աշխատավարձերու  յաւելման  օրինագիծը խորհրդարանին փոխանցուելու  քայլին: Ղարիպ ըսաւ, թէ   խորհուրդը իր  18 Յունիսի նիստին պիտի   որոշէ  պետական քննութիւններու   թուղթերը սրբագրելու հարցը:

 Մարտ  14-ի ուժերը  հանրապետութեան նախագահին   փոխանցեցին  Հըզպալլայի արարքները դատապարտող  յուշագիր մը:  Յուշագիրը կը դատապարտէ Սուրիոյ հակամարտութեան մէջ Հըզպալլայի  միջամտութիւնները, ինչպէս նաեւ՝ սուրիական բանակին կողմէ  Արսէլի շրջանի   ռմբակոծումները:

Ապահովական գետնի վրայ, անծանօթներ   ռումբ մը նետեցին  Թրիփոլիի Ապի Սամրա  շրջանին  ներքին ապահովութեան  ուժերու կեդրոնին վրայ: Պայթումին հետեւանքով   վիրաւորուեցան  կարգ մը անձեր: Միւս կողմէ,  ներքին ապահովութեան ուժեր,  Զղարթայի մէջ   սպաննեցին Ապտէլ Համիտ  Հասուն անունով յանցագործ մը:  Միջադէպէն  անմիջապէս ետք, Հասուն  ընտանիքին պատկանող զինեալներ յայտնուեցան հրապարակի վրայ, սակայն բանակը անմիջապէս հակակշիռի տակ վերցուց  կացութիւնը:

LEAVE A REPLY

Please enter your comment!
Please enter your name here