ԵԱՀԿ-Ի ՆԱԽԱԳԱՀՆԵՐԸ ԿԸ ՔՆՆԱՐԿԵՆ ԱՐՑԱԽԻ ՀԱՐՑԸ

0
146

ԵԱՀԿի գործող նախագահ, Ուքրանիոյ արտաքին գործոց նախարար Լէոնիտ Քոժարա Քիեւի մէջ հանդիպում մը ունեցաւ ԵԱՀԿ Մինսքի խմբակի համանախագահներուն եւ ԵԱՀԿ-ի գործող նախագահի անձնական ներկայացուցիչ Անճէյ Քասփըրչիքի հետ:
ԵԱՀԿ-ի քարտուղարութեան համաձայն՝ հանդիպման ընթացքին քննուած են Լեռնային Ղարաբաղի հակամարտութեան կարգաւորման գործընթացին առնչուող հարցեր: Համանախագահները Քոժարային ներկայացուցած են տագնապին շուրջ բանակցային ընթացիկ վիճակը, հակամարտութեան կարգաւորման հիմնական սկզբունքները, ինչպէս նաեւ Հայաստանի ու Ատրպէյճանի արտաքին գործոց նախարարներու հանդիպման վերջին արդիւնքները: Կողմերը նաեւ միտքեր փոխանակած են ԵԱՀԿ-ի գործող նախագահին Հայաստան եւ Ատրպէյճան այցելութեան ժամանակացոյցին շուրջ, հաշուի առնելով, որ Ուքրանիա, իբրեւ ԵԱՀԿ-ի նախագահող երկիր, այդ այցելութեան արդիւնաւէտութեան հետ մեծ յոյսեր կը կապէ:
Քոժարա վերահաստատած է Ուքրանիոյ պատրաստակամութիւնը՝ նպաստելու Մինսկի խմբակի համանախագահներուն եւ Քասփըրչիքի ջանքերուն, որոնք ուղղուած են Արցախի հակամարտութեան խաղաղ կարգաւորման՝ զայն Ուքրանիոյ նախագահութեան առաջնայնութիւններէն մէկը դասելով:
Կ՛ակնկալուի, որ Քոժարա 17-20 Յունիսի միջեւ այցելէ Հայաստան եւ Ատրպէյճան:

 

LEAVE A REPLY

Please enter your comment!
Please enter your name here