ՄԵԾ-ԵՐԸ ՅԱՅՏԱՐԱՐՈՒԹԻՒՆ ՊԻՏԻ ԿԱՏԱՐԵՆ ԱՐՑԱԽԻ ՀԱՐՑՈՎ

0
124

Ռուսիոյ, Միացեալ Նահանգներու եւ Ֆրանսայի նախագահներ Վլատիմիր Փութին, Պարաք Օպամա եւ Ֆրանսուա Հոլանտ, յառաջիկայ շաբաթ կայանալիք «Ութերու խմբակ»ի գագաթնաժողովին ընթացքին, Լեռնային Ղարաբաղի տագնապին մասին համատեղ յայտարարութիւն մը պիտի կատարեն. այս մասին կը տեղեկացնէ ռուսական «Ռիա Նովոսթի» լրատու գործակալութիւնը:
Հիւսիսային Իրլանտայի մէջ կայանալիք աշխարհի ճարտարարուեստականացած երկիրներու ղեկավարներու սոյն հաւաքին ընթացքին կատարուելիք այս յայտարարութեան մասին նշեալ լրատու գործակալութիւնը իր տեղեկութիւնը քաղած է Փութինի խորհրդական Եուրի Ուշաքովէն, որ աւելցուցած է. «100 տոկոսի վստահութեամբ կրնամ ըսել, որ Օպաման, Փութինը եւ Հոլանտը Լեռնային Ղարաբաղի տագնապին վերաբերեալ համատեղ յայտարարութիւն մը պիտի կատարեն»:

 

LEAVE A REPLY

Please enter your comment!
Please enter your name here