ՌՈՒՀԱՆԻ ԸՆՏՐՈՒԵՑԱՒ ԻՐԱՆԻ ՆԱԽԱԳԱՀ

0
113

Իրանի ներքին գործոց նախարարութիւնը յայտարարեց, թէ  բարեկարգչական   հոսանքի թեկնածու  Հասան Ռուհանի շահած է   Իրանի նախագահական ընտրութիւնները, ապահովելով քուէներուն  50.71 առ հարիւրը:  Իրանի 11-րդ  նախագահական ընտրութիւններուն մասնակցութիւնը   կը գնահատուի  72.2  առ հարիւր:  Քուէարկուած ձայներուն  յիսուն հինգ առ հարիւրը հաշուելէ ետք, ազգային անվտանգութեան գերագոյն խորհուրդի նախկին քարտուղար Հասան Ռուհանի հաւաքած էր  18 միլիոն ձայն կամ՝ քուէներու 50.7 առ հարիւրը:  Իրանի նորընտիր նախագահը  ծնած է 13 Նոյեմբեր  1948-ին,Սեմնան նահանգի  Սորքէ քաղաքին մէջ: Կրօնական ուսումի հետեւած է  12 տարեկանէն: 1969-ին կ’ընդունուի Թեհրանի համալսարանը: Վկայուած է իբրեւ   իրաւաբան:  1979-ի  յեղափոխութենէն ետք,մինչեւ  2000 թուականը,  հինգ անգամ ընտրուած է խորհրդարանի անդամ: Ռուհանի կը խօսի սահուն   անգլերէն, արաբերէն եւ պարսկերէն: Հեղինակ է աւելի քան  100 գիրքերու  եւ  700-է աւելի գիտական, կրօնական  ուսումնասիրութիւններու:

:  

 

LEAVE A REPLY

Please enter your comment!
Please enter your name here