ՍԱԼԱՄԷՆ ԿԸ ՊԱՀԱՆՋՈՒԻ ՇՈՒՏ ԿԱԶՄԵԼ ԿԱՌԱՎԱՐՈՒԹԻՒՆԸ

0
111

Նախագահին արտայայտած մտահոգութիւններէն  մեկնելով, նորանշանակ վարչապետ Թամամ Սալամ  Երեքշաբթի օրուընէ սկսեալ  բանակցութիւններու  նոր  հանգրուան մը պիտի սկսի՝քաղաքական  գլխաւոր հոսանքներուն հետ:   Սալամ շաբաթասկիզբին  պիտի այցելէ Պաապտայի պալատ եւ  խորհրդակցական հանդիպում մը ունենայ հանրապետութեան նախագահ Միշէլ Սըլէյմանի  հետ, որմէ ետք պիտի  տեսակցի  Ուալիտ Ճոմպլաթի եւ Նեպիհ Պըրրիի հետ:  Սալամ համոզուած է, որ  քաղաքական եւ ոչ՝ չէզոք կառավարութիւն մը պիտի գլխաւորէ, ինչպէս կը յայտարարէր նախապէս:   Կառավարութիւնը պիտի ընդգրկէ  քաղաքական բոլոր կողմերը՝  «երեք ութ»երու կամ  «երեք տաս»երու   հիմքի վրայ: Վարչապետը  բացարձակապէս  կը   մերժէ արգելակող մէկ երրորդի լազօրութիւն  շնորհել կառավարութեան մաս կազմող կողմերուն:

Լիբանանեան Ուժեր Կուսակցութեան երեսփոխան  Անթուան Զարհա՝ Սալամէն պահանջեց յառաջիկայ օրերուն ընթացքին  յայտարարել նոր կառավարութիւնը, այլապէս՝ հրաժարիլ:

Սալամ՝ կառավարութեան կազմութեան թղթածրարը քննարկեց   առողջապահութեան հրաժարեալ  նախարար Ալի Հասան Խալիլի եւ Լիբանանեան Ուժերու  գործադիր խորհուրդի պետ Սամիր Ժաաժայի պատուիրակ, նախկին նախարար  Թոնի Քարամի հետ: Խալիլ յայտարրեց, թէ անհրաժեշտ է կազմել երկիրը պահպանող կառավարութիւն մը:

Ապահովական գետնի վրայ, Սուրիոյ ծայրայեղականները  առնուազն վեց  հրթիռ արձակեցին Պաալպէք  քաղաքին վրայ:

 

 

ՍԱՀՄԱՆԱԴՐԱԿԱՆ ԽՈՐՀՈՒՐԴԻ  ՆԻՍՏԸ  ԵՐԵՔՇԱԲԹԻ ՕՐ

Սահմանադրական Խորհուրդի անդամները սկզբունքով   Երեքշաբթի օր պիտի  գումարեն նիստ մը եւ քննարկեն  խորհրդարանի երկարաձգման առիթով ներկայացուած վիճարկումը:  Սահմանադրական Խորհուրդը մինչեւ  Հինգշաբթի, 20  Յունիս որոշում  չկայացնելու եւ կամ նիստ  չգումարելու պարագային,  խորհրդարանին երկարաձգումը ինքնաբերաբար կը մտնէ  ուժի մէջ: 

Լրատուական   կարգ մը աղբիւրներ  կը հաղորդեն, թէ  Սահմանադրական Խորհուրդին ներկայացուած  վիճարկումին առիթով, լռելեայն   լարուածութիւն մը կը տիրէ Հըզպալլայի եւ  Միշէլ Աունի միջեւ:

LEAVE A REPLY

Please enter your comment!
Please enter your name here