ՑՈՅՑԵՐԸ ՓՈԽԱԴՐՈՒԵՑԱՆ ԱՆԳԱՐԱ

0
110

 Իսթանպուլի Թաքսիմ հրապարակին մէջ  ցուցարարները կը շարունակեն  վարչապետ Էրտողանի վարած  քաղաքականութեան դէմ իրենց նստացոյցը: Բողոքի ալիքները  Իսթանպուլէն  սկսած են  տարածուիլ այլ  քաղաքներ:  Ատանայի մէջ   սուր բախումներ տեղի կ’ունենան  ոստիկանութեան եւ  ցուցարարներուն միջեւ:  Ցուցարարները   նստացոյցի վայրերէն  փոխադրած են իրենց տեղադրած վրանները, սակայն նստացոյցերը կը շարունակեն: Ոստիկանութիւնը  արցունքաբեր կազ եւ  ջրցան  մեքենաներով կը ցրէ  ցուցարարները:

 Երէկուան բախումներուն ընթացքին, իրաւապահ մարմիններ ձերբակալեցին  300-է աւելի ցուցարարներ: Վերջիններս սահմանադրական  փոփոխութիւններ կը պահանջեն  վարչապետ Ռեճէպ Թայիփ Էրտողանէն: Ընդդիմադիր  Ժողովրդական Հանրապետական Կուսակցութեան պետ  Քամալ Քիլիճտարօղլու, «ժողովուրդին կամքը  յարգեցէք» խորագիրի  տակ, բողոքի ցոյցի  հրաւիրեց  ժողովուրդը՝ Անգարայի մէջ

Բրիտանական ՊԻ.Պի.Սի-ի տնօրէնութիւնը յայտարարեց, թէ   գործակցութիւնը  դադրեցուցած է թրքական Էն.Թի.Վի  հեռատեսիլի  կայանին հետ: Էն.Թի.Վի   մերժած է  սփռել Իսթանպուլի  ցոյցերուն վերաբերեալ Պի.Պի.Սի-ի   պատրաստած հաղորդումը

LEAVE A REPLY

Please enter your comment!
Please enter your name here