ԳՈՐԾԱԴՈՒԼԻ ՅԱՅՏԱՐԱՐՈՒԹԻՒՆ ԹՈՒՐՔԻՈՅ ՄԷՋ

0
120

Թուրքիոյ հինգ մեծ աշխատաւորական  սենտիքաները    գործադուլ յայտարարեցին երէկ, առ ի բողոք՝  իշխող Արդարութիւն եւ Բարգաւաճում կուսակցութեան  կատարած բռնութիւններուն:  Աւելի քան   ութ հարիւր  հազար արհեստաւորներ մասնակցեցան  յայտարաուած    գործադուլին:

Վարչապետ Ռեճէպ Թայիփ Էրտողան   ուղերձ մը յղեց Կեզի այգիին մէջ հաւաքուած   ցուցարարներուն:  Ուղերձին մէջ վարչապետը կը յայտնէ, թէ  իշխանութիւնը  տապալելու միակ  միջոցը  քուէատուփերն  են:« Եթէ կը փափաքին իշխանութիւնը տապալել, իրենց ուժը քուէատուփերուն մէջ   պարտին ցոյց տալ» . դիտել կու տայ  ան:  Թւորքիոյ խորհրդարանական ընտրութիւնները  տեղի պիտի ունենան  2015-ին: Իսկ տեղական ընտրութիւնները՝  2014-ին: «Այդ ժամանակ  եկէք ցոյց տուէք  ձեր ուժը» կը սպառնայ  վարչապետ Էրտողան: 

Ոստիկանութիւնը  Իսթանպուլի մէջ ձերբակալեց Սոցիալ- Դեմոկրատական Կուսակցութեան նախագահ  Ռիտուան  Տուարանը:  Ան  ձերբակալուեցաւ այն պատճառաբանութեամբ,  որ  իշխանութիւնը  բռնութեամբ տապալելու կոչ ուղղած է   ցուցարարներուն:   Հակառակ  բողոքի ցոյցերուն եւ  հաւաքներուն դէմ դրած Անգարայի նահանգապետին  դրած  արգելքին, Անգարայի մէջ տեղի ունեցող բողոքի հաւաքներուն ընթացքին  ձերբակալուեցան    500  անձեր: Քաղաքական  մեկնաբաններու կարծիքով,  բողոքի հաւաքները եւ ցոյցերը   ծանր ազդեցութիւն պիտի  ունենան երկրին տնտեսութեան վրայ:   Մարտ 2013-ի տուեալներով, գործազրկութեան համեմատութիւնը հասած է  10,5 առ հարիւրի, կամ՝  2 միլիոն 884  մարդ: Թուրքիոյ ներքին գործոց նախարար  Մաամար Կիւլէր  սպառնաց  բռնութեան տակ  արգիլել     բողոքի հաւաքները:  Ան ըսաւ, թէ  մութ  ուժեր կը փորձեն  դէպի փողոց    մղել  ժողովուրդը: Ան ըսաւ, թէ   ապհովական  ուժեր պիտի  չարտօնեն այդ  մէկը:

Իշխանութիւնները   երէկ ձերբակալեցին  ռուսը եւ իտալացի   լրագրողներ:

 

LEAVE A REPLY

Please enter your comment!
Please enter your name here