ԻՐԱՆԻ ՆԱԽԱԳԱՀԸ ՕԳՈՍՏՈՍԻՆ ՊԻՏԻ ԿԱՏԱՐԷ ԵՐԴՄՆԱԿԱԼՈՒԹԻՒՆԸ

0
97

 Իրանի նորընտիր նախագահ  Հասան Ռուհանի 3-5 Օգոստոսի  միջեւ պիտի կատարէ  երկմնակալութիւնը:  Նշենք, թէ Ռուհանի  Շաբաթ օր ընտրուեցաւ Իրանի նախագահ, ապահովելով  քուէներու 72.7  առ  հարիւրը:   Ռուհանի  յայտարարեց, թէ պիտի վարէ  չափաւորական  քաղաքականութիւն: Ան մերժեց    միակողմանիօրէն  դադրեցնել ուրանիոմի հարստացման  գործուղութիւնները:

Սուրիոյ նախագահ  Պաշշար Ասատ  շնորհաւորական հեռագիր  ուղարկեց  Իրանի նորընտիր նախագահին,  նախագահական  ընտրութիւններուն արձանագրած յաղթանակին առիթով, մաղթելով որ յարաբերութիւնները  եւ համագործակցութիւնը կ’ամրապնդուին նորընտիր նախագահին հետ:  Սէուտական Արաբիոյ Ապտալլա Պըն Ապտէլ Ազիզ թաւգաւորը նոյնպէս  շնորհաւորական  հեռագիր մը  յղեց Իրանի նոր  ղեկավարին,  մաղթելով, որ   երկու երկիրներուն  միջեւ  յարաբերութիւնները կը բարելաւուին  Ռուհանիի ժամանակաշրջանին: Սպիտակ Տան մէջ նախագահ Պարաք Օպամա շնորհաւորեց  Ռուհանին , մաղթելով որ անոր  ընտրութիւնը դրական  փոփոխութիւններ կ’առաջացնէ  Իրանի միջուկային  ծրագիրին ուղղութեամբ, Թեհրանի աւանդական  դիրքին մէջ:  Իսրայէլի վարչապետ Պենիամին Նեթանիահու  չմոլորելու կոչ ուղեց  միջազգային  ընտանիքին՝ Իրանի  նախագահական  ընտրութիւններուն պատճառով: Չինաստան  յոյս յայտնեց, որ  Ռուհանիի  ժամանակաշրջանին  Իրանի հետ   յարաբերութիւնները  կը զարգանան  բոլոր ոլորտներու մէջ :

LEAVE A REPLY

Please enter your comment!
Please enter your name here