ՈՒԹԵՐԸ ԿԸ ՔՆՆԱՐԿԵՆ ՍՈՒՐԻՈՅ ԻՐԱՎԻՃԱԿԸ

0
108

 Հիւսիսային  Իրլանտայի մէջ երէկ սկսաւ  ճարտարարուեստով   հարուստ աշխարհի  գեր հզօր ՝ ութ պետութիւններուն  խորհրդաժողովը: Այս ծիրին մէջ հանդիպում մը տեղի ունեցաւ նախագահներ Վլատիմիր Փութինի եւ Պարաք Օպամայի միջեւ: Խորհրդաժողովի նախօրէին, Հռոմի Ֆրանսիսքոս Ա. Պապը Սուրիոյ արիւնահոսութիւնը  կասեցնելու կոչ մը ուղղեց խորհրդաժողովի մասնակիցներուն: Ճոնսըն  մերժեց  զինել Սուրիոյ ընդդիմութիւնը:

Խորհրդաժողովի նախօրէին, Լոնտոնի մէջ հանդիպում մը կայացաւ   Բրիտանիոյ վարչապետ Տէյվիտ Գամերոնի եւ  Ռուսիոյ նախագահ Վլատիմիր Փութին միջեւ:  Հանդիպումէն  ետք  տեղի ունեցաւ միացեալ  մամլոյ ասուլիս մը, որուն ընթացքին Փութին   յայտնեց.«Եթէ  խօսինք առանց որեւէ զգացմունքի, ապա կը փափաքիմ  Ձեր  ուշադրութեան յանձնել, որ Ռուսիա Սուրիոյ  օրինական կառավարութեան կը  մատակարարէ զէնք՝ միջազգային իրաւունքի չափանիշներու  համապատասխան: Մենք ոչինչ կը  խախտենք».յայտարարեց  Ռուսիոյ նախագահ Վլատիմիր Փութին եւ   զգուշացուց Բրիտանիան Սուրիոյ ընդիմութեան   ռազմական օգնութիւն  ցուցաբերելու հետեւանքներէն: Ան նաեւ  ընդգծեց, թէ    Սուրիոյ հակամարտութեան վերաբերեալ միջազգային խորհրդաժողովի յոյսերը   չեն թաղուած ամբողջութեամբ:  Լոնտոնի  քաղաաքպետ  Պորիս Ճոնսըն  յայտարարեց, թէ Մեծն Բրիտանիա   չպէտք է Սուրիան օգտագործէ  իբրեւ  մկաններու  ցուցադրութեան դաշտ: Ճոնսըն դատապարտեց  Ս ուրիոյ ընդդիմութիւնը    զինելու  որոշումը:  

 

LEAVE A REPLY

Please enter your comment!
Please enter your name here