ՌՈՒՀԱՆԻ ԿԸ ՄԵՐԺԷ ՍՈՒՐԻՈՅ ՀԱՐՑՈՎ ԱՐՏԱՔԻՆ ՄԻՋԱՄՏՈՒԹԻՒՆՆԵՐԸ

0
104

Իրանի նորընտիր նախագահ Հասան Ռուհանի   երէկ յայտարարեց, թէ Սուրիոյ տագնապին լուծումը  սուրիացի   ժողովուրդը պիտի տնօրինէ:Ան  մերժեց   ներքին պատերազմները եւ արտաքին միջամտութիւնները: Ռուհանի միաժամանակ յոյս յայտնեց, որ Արաբական Ծոցի Համագործակցութեան անդամ պետութիւններուն հետ   կարելիութիւն  մը կը ստեղծուի լուծելու սուրիոյ հակամարտութիւնը:

Մոսկուա երեք պաշտօնապէս յայտարարեց, թէ պիտի չարտօնէ   ոչ  թռիչքային գօտիներ հաստատել  Սուրիոյ  օդային տարածութեան  մէջ:

Գանատա  ողջունեց Սուրիոյ ընդդիմութիւնը  զինելու Ուաշինկթընի  որոշումը:

Յանուն Խաղաղ Փոփոխութիւններու քրտական ազգային շարժումը  թրքական  բանակը  մեղադրեց Հալէպի նահանգներէն  մէկը գրաւելու փորձի մէջ: ՍԱՆԱ լրատուական գործակալութիւնը  հաղորդեց, թէ  սուրիական ընդդիմութիւնը թուրք բանակայիններու  օգնութեամբ  փորձած է գրաւել Աֆրին քաղաքը՝ Սուրիոյ քիւրտերուն  վրայ  ճնշելու եւ անոնց կողմնորոշումը  փոփոխութեան ենթարկելու   մտադրութեամբ:

Միջազգային Կարմիր Խաչը յայտարարեց, թէ Սուրիոյ հակամարտութեան  ընթացքին  զոհուած է  100  հազարէն աւելի  մարդ: Գաղթականներուն թիւը կը գնահատուի   5 միլիոն:

 Միւս կողմէ,  170 ֆիճիցի խաղաղապահներ  փոխարինեցին Կոլանի  բարձունքներուն  վրայ աւստրիական  զօրախումբը:

Սուրիոյ   փոխարտաքին գործոց նախարար   Ֆայսալ Միքտատ  ըսաւ, թէ  Սուրիա  յաջողութեամբ պիտի  պսակէ  «Ժընեւ -2» խորհրդաժողովը եւ նախանձախնդիր է  կասեցնելու արեան հոսքը:

LEAVE A REPLY

Please enter your comment!
Please enter your name here