ՍԸԼԷՅՄԱՆ ՔՆՆԱՐԿԵՑ ԱՊԱՀՈՎԱԿԱՆ ՀԱՐՑԵՐ

0
115

Հանրապետութեան նախագահ Միշէլ Սըլէյման Պաապտայի պալատին մէջ ընդունեց   բանակի ընդհանուր հրամանատար  զօրավար Ժան Քահուաճին եւանոր հետ  քննարկեց  Քաայի եւ Ռաս Պաալպէքի միջեւ  պատահած ոճիրին մանրամասնութիւնները:  Ժաաֆար եւ Ահմազ ընտանիքներու չորս   երիտասարդներ սպաննուեցան, երբ  անծանօթ զինեալներ կրակ բացին անոնց վրայ: Նախագահը  խորհրդակցութիւն  մը   ունեցաւ հրաժարեալ վարչապետ Նեժիպ Միքաթիի հետ, ապա ապահովական  նիստի մը գլխաւորեց    Միքաթիի մասնակցութեամբ:  Սըլէյման հերթաբար ընդունեց  ներքին գործոց նախարար Մարուան Շերպէլը,  ընկերային  հարցերու  նախարար Ուայէլ Ապու Ֆաուրը:  Նախագահ Սըլէյման շնորհաւորական հեռագիր մը  յղեց Իրանի  նախագահ Հասան Ռուհանիին իր    ընտրութեան առիթով:  

Տնտեսական  միութիւններու նախագահ, նախկին նախարար Ատնան Քասար  պահանջեց տնտեսական  երկխօսութեան սեղան մը՝   երկիրը տնտեսական անելէն դուրս բերելու մտահոգութեամբ:

Խորհրդարանի դիւանը երէկ պաշտօնապէս  ստացաւ  պետական պաշտօնեաներու   աշխատավարձերու յաւելման  օրինագիծը: Խորհրդարանի նախագահ Նեպիհ Պըրրի յայտնեց, թէ  թղթածրարը պիտի փոխանցէ  վերադաս  յանձնախումբերուն:

LEAVE A REPLY

Please enter your comment!
Please enter your name here