ԱՇԹԸՆ՝ ԵՒՐՈՊԱԿԱՆ ՄԻՈՒԹԵԱՆ ԶՕՐԱԿՑՈՒԹԻՒՆԸ ՓՈԽԱՆՑԵՑ ԼԻԲԱՆԱՆԻՆ

0
116

Հանրապետութեան նախագահ  Միշէլ Սըլէյման Պաապտայի պալատին մէջ ընդունեց  Եւրոպական Միութեան արտաքին  քաղաքականութեան գլխաւոր բանագնաց Քաթրին Աշթընը եւ անոր հետ քննարկեց սուրիացի  գաղթականներուն մարդասիրական  օժանդակութիւն    հայթայթելու կարելիութիւնները:  Սըլէյման  միջազգային  ընտանիքէն պահանջեց  մասնակից դառնալ սուրիացի գաղթականներուն  ցուցաբերուող  օժանդակութիւններուն եւ դիւրացնել Լիբանանի  բեռը: Իր կարգին Աշթըն յայտնեց, թէ Եւրոպական Միութիւնը զօրավիգ է  Լիբանանին եւ  միշտ անոր կողքին: Աշթըն այցելեց նաեւ Խորհրդարանի նախագահ Նեպիհ Պըրրիին՝ Եւրոպական Միութեան   դեսպան  Անժելինա  Էխորհրսթի  ընկերակցութեամբ:  Հանդիպումին  մասնակցեցան նաեւ նախկին նախարար  Թալալ Սահելին եւ  Ամալ-ի տեղեկատուական հարցերու խորհրդական Ալի Համտանը:  Նշենք, թէ  Աշթըն Լիբանան ժամանաելէ անմիջապէս ետք այցելեց հրաժարեալ վարչապետ Նեժիպ Միքաթիին:

Երէկ առաւօտեան Մարտ 14-ի ուժերը ներկայացնող պատուիրակութիւն մը այցելեց Պաապտայի պալատ եւ հանրապետութեան նախագահին յանձնեց  ներլիբանանեան  բեմի զարգացումներուն  վերաբերեալ իր պատկերացումը   արտացոլացնող   յուշագիր մը :  Մարտ  14-ի ուժերը կը պահանջեն՝ ա.  լիբանանեան  բանակը տարածել   լիբ-սուրիական սահմանագիծի երկարութեան, բ. Պաշտօանկան  բոլոր  սահմանագծերը  դնել օրինական   ուժերու հսկողութեան տակ, գ. Հըզպալլայէն պահանջել, որ   իր  զօրքերը անմիջապէս դուրս բերէ Սուրիայէն, դ. կազմել    Լիբանանի  պահանջներուն համապատասխանող կառավարութիւն մը:

Պաապտայի պալատին մօտիկ աղբիւրներ կը յայտնեն, թէ  սուրիական   խախտումներուն  վերաբերեալ, նախագահ  Սըլէյման անդրդուելի մնաց  ՄԱԿ-ի Ապահովութեան Խորհուրդին եւ  Արաբական Լիկային  յուշագիրներ  յղելու իր տեսակէտին վրայ: Նախագահ Սըլէյման,  հրաժարեալ վարչապետ  Նեժիպ Միքաթիի եւ ՄԱԿ-ի մօտ Լիբանանի դեսպան  Նաուաֆ Սալամի հետ խորհրդակցութիւններ ունենալէ ետք,   իր մօտ հրաւիրեց  Լիբանանի մտ ՄԱԿ-ի ընդհանուր քարտուղարի  անձնական ներկայացուցիչ Տերէք Փլամլին եւա նոր յանձնեց  Սուրիոյ դէմ ուղղուած   բողոքագիր մը՝ լիբանանեան հողերը  ոտնակոխելու  պատճառով:

LEAVE A REPLY

Please enter your comment!
Please enter your name here