ԱՊԱՀՈՎԱԿԱՆ ԽԼՐՏՈՒՄՆԵՐ

0
110

 Անցնող   24 ժամերուն ընթացքին,   քանի մը անգամ  փակուեցաւ  Թրիփոլիի միջազգային  ճանապարհը: Ցուցարարներ հրկիզուած անիւներով  փակեցին  Թրիփոլիի  մայրուղին:  Բանակը   վերաբացաւ բոլոր  ճանապարհները:   Ցոյցերուն հիմնական պատճառը այն էր, թէ  վերջին բախումներէն տուժած որոշ  ընտանիքներու անուններ կը բացակայէին օժանդակութիւններ ստացող ընտանիքներու ցանկէն: Օրուան  կարգ մը ժամերուն  կրակոցներ լսուեցան  Թրիփոլի արուարձաններուն մէջ:

Ապահովական գետնի վրայ , Հըզպալլա կարգ մը   քայլերու դիմած է, որպէսզի  կանխէ  միտումնաւոր կերպով  երկրին մէջ խռովութիւն ստեղծելու փորձերը: Լրատուական կարգ մը աղբիւրներ կը  հաղորդեն, թէ աւելի քան եօթ հարիւր հազար  այսպէս կոչուած սուրիական ազատ բանակի  վարձկաններ խուժած են    հիւսիսային  Լիբանան եւ կրնան  որեւէ մէկ պահուն  բռնկումի   մղել  երկիրը:

Քայի եւ  Պաալպէքի միջեւ Կիրակի օրուան  ոճիրին հետաքննութիւնները  բացայայտեցին, թէ տասնմէկ  յանցագործներ ,երկու ինքնաշարժներու օգնութեամբ կատարած են  ոճիրները:   Ալ  Ժաաֆար  ընտանիքի անունով անձ  մը յայտարարեց, թէ  պիտի  չսպասեն   պետութեան, որպէսզի  լուծեն իրենց վրէժը:

LEAVE A REPLY

Please enter your comment!
Please enter your name here