ԱՍԱՏ ԿԸ ԶԳՈՒՇԱՑՆԷ, ՈՐ ՀԱԿԱՄԱՐՏՈՒԹԻՒՆԸ ԿՐՆԱՅ ՏԱՐԱԾՈՒԻԼ, ԵԹԷ…

0
120

Գերմանական Frankfurter  algemaine zeitung  օրաթերթին տուած հարցազրոյցին մէջ,  Սուրիոյ նախագահ Պաշշար Ասատ դիտել կու տայ, թէ  «Ժընեւ -2» խորհրդաժողովին  յաջողութիւնը կախեալ է  ահաբեկիչներուն   մատակարարուող զէնքը դադրեցնելու  որոշումէն:« Եթէ Ժընեւի մէջ յաջողուի  դադրեցնել զէնքի մաքսանենգութիւնը եւ  Սուրիոյ տարածքը  ահաբեկիչներու   ներթափանցումը,  այս  պիտի  ըլլայ  խաղաղ կարգաւորման  գործընթացին  սկիզբը: Եթէ Սուրիոյ հակամարտութիւնը  չդադրի, ապա ան պիտի տարածուի  դրացի երկիրներ եւ  իրավիճակը  պիտի սրի ամբողջ տարածաշրջանին մէջ». կ’ըսէ Ասատ, աւելցնելով, որ ահաբեկչական խմբաւորումներուն նպաստող  երկիրները խոչընդոտներ կը ստեղծեն  հակամարտութեան խաղաղ կարգաւորման  ճիգերուն առջեւ: Նախագահ Ասատ   կը յայտնէ, թէ  Դամասկոսի կարծիքով, Ժընեւի բանակցութիւնները պիտի դառնան  երկխօսութեան  սկիզբ: Սուրիոյ նախագահը  պատրաստակամութիւն կը յայտնէ  ճանչնալու այն ընդդիմութիւնը, որ  երկրին  ճակատագիրը  չի կապեր   ահաբեկչական  կազմակերպութիւններու եւ արտաքին միջամտութիւններու հետ:

LEAVE A REPLY

Please enter your comment!
Please enter your name here