ԷՐՏՈՂԱՆ ԿԸ ՔՆՆԱԴԱՏԷ ԵՒՐՈՊԱԿԱՆ ՄԻՈՒԹԵԱՆ ԿԵՑՈՒԱԾՔԸ

0
123

Վարչապետ  Ռեճէպ Թայիփ Էրտողան քննադատեց  Թաքսիմի  դէպքերուն վերաբերեալ  Եւրոպական Միութեան  կեցուածքը:   Էրտողան յայտնեց, թէ  Եւրոպական Միութիւնը երկակի   չափանիշներ կ’օգտագործէ  Թաքսիմի  դէպքերուն առնչութեամբ:  Ան հարց տուաւ, թէ Եւրոպական  Խորհրդարանը արդեօ՞ք իրաւասութիւն ունէր որոշում  առնելու Թուրքիոյ ներքին  գործերուն շուրջ:  Ան  քննադատեց  Եւրոպական  Միութեան  կեցուածքը, զայն նկատելով  Թուրքիոյ ներքին գործերուն միջամտութիւն: Անգարայի եւ Իսթանպուլի մէջ   բանակը եւ ոստիկանութիւնը լայնածաւալ  գորղողութիւններ կը  ծաւալէ   ցուցարարներուն դէմ:

Գերմանական Bild  թերթը  Էրտողանը անուանեց « պեթոնէ գլուխով Էրտողան»: 

Իզմիրի փաստաբաններու միութեան եւ Եւրոպայի  փաստաբաններու միութեան անդամ,  փաստաբան  Հիւսէյն  Տուտու   դատական հայց բարձրացուց վարչապետ Ռեճէպ Թայիփ Էրտողանի դէմ:  Հայցը բարձրացած է,  Էրտողանի այն  յայտարարութեան  համար, որ  վերջինս  օսմանեան արխիւներու շէնքի բացման արարողութեան ընթացքին յայտարարած է, թէ  Թաքսիմի  մէջ գործադրուելիք  երեք  նախագիծներուն համար  արտօնութիւն  պիտի  չվրեցնէ  Ժողովրդա-Հանրապետական Կուսակցութեան նախագահէն եւ մէկ քանի թափթփուկներէ: : Թուրք  փաստաբանի  արտայայտութեամբ, Էրտողան վիրաւորած է թուրք  ժողովուրդը: Ան կ’ակնկալէ, որ ատեանը համապատասխան  պատժամիջոցներ կ’արձակէ  վարչապետին  դէմ:

LEAVE A REPLY

Please enter your comment!
Please enter your name here