ՍԱՀՄԱՆԱԴՐԱԿԱՆ ԽՈՐՀՈՒՐԴԻՆ ԱՌՋԵՒ ՎԵՐՋԻՆ ԱՌԻԹ ՄԸ՝ ՈՒՐԲԱԹ ՕՐ

0
98

Սահմանադրական Խորհուրդի  երրորդ նիստը  անգամ մը եւս  տեղի չունեցաւ, մեծամասնութիւն  չգոյանալու պատճառով: Անոր  կազմէն  երկու շիի եւ մէկ տիւրզի  անդամները   երրորդ անգամ ըլլալով բացակայեցան՝  քաղաքական  պոյքոթի ենթարկելով նախապէս որոշուած նիստը:  Խորհուրդի նախագահ  Իսամ Սըլէյման  Ուրբաթ առաւօտեան  չորրորդ նիստի մը հրաւիրեց  Խորհուրդի անդամները:  Ուրբաթ օրը, ըստ գործող   օրէնքի՝  15-րդ եւ  վերջին օրն է, ուր Սահմանադրական Խորհուրդը  կրնայ  քննարկել  վիճարկումը եւ փոխանցել  իր   որոշումը: Ուրբաթ օրուան նիստը տեղի չունենալու պարագային,   Խորհուրդի նախագահը պիտի պարտաւորուի հանրապետութեան նախագահին եւ  հրաժարեալ վարչապետին  փոխանցել  տեղեկագիր մը, որուն մէջ պիտի արձանագրէ   յաջորդական  չորս  նիստ  չգումարելու  փաստը: Իրաւական  ցետնի վրայ,  այս  քայլը կը նշանակէ, թէ  խորհրդարանին պաշտօնավարութեան  ժամկէտը   ինքնաբերաբար  երկարաձգուած է եւ  վիճարկումը  մերժուած:

LEAVE A REPLY

Please enter your comment!
Please enter your name here