ԲՈՂՈՔԻ ՑՈՅՑԵՐԸ ՉԵՆ ԴԱԴՐԻՐ ԹՈՒՐՔԻՈՅ ՄԷՋ

0
129

Հակակառավարական ցոյցերը սկսած են տարածուիլ Թուրքիոյ  տարբեր  շրջաններու  մէջ: Իսթանպուլի, Ատանայի, Իզմիրի, Անթալիայի եւ այլ քաղաքներու  մէջ հազարաւոր  քաղաքացիներ  բողոքի հաւաքներ կը կազմակերպեն  վարչապետ Ռեճէպ Էրտողանի վարած քաղաքականութեան դէմ:  Լրատուական միջոցները   իշխանութեան  անմիջական  հսկողութեան տակ ըլլալով,  միջազգային հանրային կարծիքը չի յաջողիր  ճիշդ պատկերացում  ունենալ   Թուրքիոյ  զարգացումներուն մասին:  CNN-ի  ծանօթ լրագրող  Քրիսթիան Ամանփուր  խստօրէն  քննադատեց   թրքական մամուլը՝ իր անունով    հերիւրանքներով լեցուն հարցազրոյց մը  լոյս ընծայուելու  առիթով:  Իշխանութիւնը կը  փորձէ ցոյց տալ, թէ ամէն  բան կարգաւորուած է երկրին մէջ:

Իշխանամէտ Today’s  Zaman օրաթերթի լրագրող Ռումէյսա Կինկէր՝ Էրտողանի   ժողովրդականութիւնը իյնալու մասին յօդուած մը ստորագրելու պատճառով ձերբակալուեցաւ: Լրագրողներու հետ առնչուած այլ   երեւոյթի մը  մէջ, ոստիկանութիւնը  դաժան  ծեծի ենթարկեց Ալ Ճազիրա  հեռատեսիլի ընկերութեան լրագրողները:  Թւորքիոյ լրագրողներու միութիւնը  դատապարտեց  լրագրողներուն դէմ  գործուած բռնութիւնը եւ պահանջեց  պատժել յանցագործները:  Միջազգային մարդասիրական կազմակերպութիւններ  եօթ  հազարէն  վեր կը  գնահատեն   ձերբակալեալներու  թիւը:

LEAVE A REPLY

Please enter your comment!
Please enter your name here