ՇԵՐՊԷԼ՝ ԲԱՆԱԿԸ ՊԻՏԻ ՀԱԿԱԴԱՐՁԷ

0
136

Ներքին  գործոց նախարար Մարուան  Շերպէլ  զգուշացուց, որ  բանակը  պիտի  հակադարձէ  բոլոր զինեալ երեւոյթներուն: Սայտայի  քաղաքապետ  Մուհամմէտ Սաուտի  ըսաւ, թէ  հինգերորդ զօրասիւն մը կը  գործէ քաղաքին մէջ: Ան յայտնեց,  քաղաքը վերագտած է  իր բնականոն   իրավիճակը:  Ղըտս մզկիթի  շէյխ Մահէր Համուտ՝  շէյխ Ահմէտ Ասիրին վերագրեց   քաղաքին  մէջ պատահած  դէպքերուն պատասխանատուութիւնը:  Ան ըսաւ, թէ  Ասիր անմիջապէս   զինուորական   օգնութիւն խնդրած է  Այն Հելու  գաղթակայանէն, որոնք բարեբախտաբար  մերժած են անոր խնդրանքը: 

Սայտայի միւֆթի շէյխ Սալիմ Սուսան ըսաւ, թէ քաղաքական  բոլոր ուժերը   յանձնառու կը մնան  քաղաքի կայունութեան:  Մուսթաքպալ Հոսանքի անդամ,երեսփոխան Խալէտ Զահրըման բացառեց երկրին մէջ մեծ պայթումի մը կարելիութիւնը, ընդգծելով, որ   քաղաքական  կազմակերպութիւնները  նախանձախնդիր  կը մնան  պահպանելու ապահովական կայունութիւնը: Զահրըման զգուշացուց ապահովական շրջուն միջադէպերէն:

ՍԱՀՄԱՆԴԱՐԱԿԱՆ ԽՈՐՀՈՒՐԴԻ  ՆԻՍ՞Տ  ԱՅՍՕՐ

Սահմանադրական Խորհուրդի նախագահ   Իսամ  Սըլէյման յայտարարեց, թէ  այսօրուան  նիստը պիտի  ըլլայ վերջինը: Սըլէյման ըսաւ, թէ անդամներու  բացակայութեան պատճառով նիստ  չգոյանալու պարագային,   երկարաձգումը կը դառնայ օրինական:

Զինուորական մնայուն  ատեանը գնդապետ  Խալիլ Իպրահիմի գլխաւորութեամբ սկսաւ նախկին նախարար Միշէլ Սըմեհայի դատաւարութեան:

LEAVE A REPLY

Please enter your comment!
Please enter your name here