ՈՒԹԵՐԸ ԺԸՆԵՒԻ ԲԱՆԱԿՑՈՒԹԻՒՆՆԵՐԸ ԱՄԵՆԱՇՈՒՏ ՄԻՋՈՑԻՆ ՍԿՍԵԼՈՒ ԿՈՉ Կ’ԸՆԵՆ

0
134

Հիւսիսային  Իրլանտայի մէջ  վերջ գտաւ  «Ութերու խմբակ»ի գերաստիճանը, որուն ընթացքին որդեգրուեցաւ Սուրիոյ տագնապին վերաբերեալ յայտարարութիւն մը: Սոյն յայտարարութիւնը խաղաղութեան բանակցութիւնները ամենականուխ միջոցին  սկսելու կոչ կ’ուղղէ  հակամարտութեան կողմերուն, սակայն անկէ կը բացակայի արեւմտեան շարք մը երկիրներու այն պահանջը, թէ Սուրիոյ նախագահ Պաշշար Ասատ պէտք է հրաժարի:
Քաղաքական աղբիւրներ կը յայտնեն, թէ Ռուսիոյ նախագահ Վլատիմիր Փութին կրցած է ընդդիմանալ կոչին մէջ Ասատի հեռացումը իբրեւ նախապայման գործածելու փորձերուն:
Կոչին մէջ նաեւ կը շեշտուի, թէ Սուրիոյ կառավարութիւնն ու ընդդիմութիւնը իրենց առաւելագոյնը պէտք է ընեն չէզոքացնելու համար «Քայիտա»ի հետ կապեր ունեցող խմբաւորումները:
Միւս կողմէ, Իրանի արտաքին գործոց նախարար Ալի Աքպար Սալեհի յայտարարեց, որ «Թեհրան «Ժընեւ 2»ին մասնակցելու բերանացի հրաւէր ստացաւ»: Ան նշեց. «Մեզ տեղեակ պահեցին, որ Ամերիկա «Ժընեւ 2»ին Իրանի մասնակցութեան չընդդիմանար, սակայն գոյութիւն ունին երկիրներ, որոնք այդ մէկը արգելակելու համար ճնշում կը բանեցնեն»: Նաեւ, Իրանի նորընտիր նախագահ Հասան Ռուհանի ընդգծեց, որ Սուրիոյ ներկայ կառավարութիւնը օրինական է եւ պէտք է մինչեւ 2014-ի ընտրութիւնները իշխանութեան վրայ մնայ:

 

LEAVE A REPLY

Please enter your comment!
Please enter your name here