ՄԽԻԹԱՐԵԱՆԻ ԼԻՎԸՐՓՈՒԼ ՓՈԽԱՆՑՈՒՄԸ ԿՐՆԱՅ ՁԱԽՈՂԻԼ

0
123

Հայաստանի հաւաքականի եւ  Տոնեցքի Շախտիորի  կիսապաշտպան  Հենրիխ Մխիթարեանի  Լիվըրփուլ փոխանցումը կարելի է նկատել  ձախողած:    24-ամեայ  ֆութպոլիստը երէկ  պիտի մեկնէր Անգլիա՝ բժշկական  քննութեան: Անգլիական ակումբը  յայտարարեց, թէ  մէկէ աւելի   աղբիւրներ ներկյացած են  պահանջելու  Մխիթարեանի փոխանցման սակին մէկ մասը:  Բացի  Շախտիորէն,  Հայաստանի Փիւնիկը եւ  Հայաստանի  ֆութպոլի  ֆետերասիոնը կը յայտարարեն, թէ  իրենց կը պատկանի Մխիթարեանի փոխանցման սակին մէկ մասը: Այս  երեւոյթը բաւական յատուկ է արեւելեան  Եւրոպայի ակումբներուն:  Լիվըրփուլ պատրաստ էր  23  միլիոն սթերլին վճարել Մխիթարեանի համար, սակայն ըստ երեւոյթին գործառքը սառած է  ներկայիս:

ՖՈՐԼԱՆ ԵՒ  ԹՈՐԷԶ  ՅԱՂԹԱՆԱԿ ՊԱՐԳԵՒԵՑԻՆ  ՈՒՐՈՒԿՈՒՅԷԻՆ ԵՒ  ՍՊԱՆԻՈՅ

 Պրազիլ ի մէջ տեղի ունեցող Գոնֆետերէյշըն Բաժակի Բ. Խմբակի երկրորդ հանգրուանի մրցումներուն,  Ուրուկուէյ  2-1 արդիւնքով պարտութեան մատնեց  Նիճերիան:  Տիէկօ Լուկան 19-րդ վայրկեանին յառաջ մղեց հարաւամերիկացիները:  37-րդ վայրկեանին  Ճոն Օպի Միքէլ հաւասարեցուց  հաշիւը:  51-րդ վայրկեանին, Տիէկօ Ֆորլան գեղեցիկ կոլով մը  նշանակեց Ուրուկուէյի  երկրորդ եւ յաղթանակի կոլը:

Միեւնոյն  խմբակին մէջ, Սպանիա  10-0 արդիւնքով պարտութեան մատնեց  Թահիթին:  Չելսիի յարձակող Ֆեռնանտօ Թորէզ   նշանակեց չորս կոլ:  Մնացեալ կոլերը նշանակեցին Տաւիտ Սիլվա՝ 2, Տաւիտ Վիլա՝ 3  եւ   Խուան Մաթա: Սպանացիները երկու  մրցումներէ ետք ապահոված են առաւելագոյնը  վեց կէտ:

ՄԱՅԷՄԻ ՀԻԹ՝ ԷՆՊԻԷՅ-Ի ԱԽՈՅԵԱՆ

 

Յաջորդական երրորդ տարին ըլլալով, Մայէմի Հիթ կը  շահի  Էն.Պի.Էյ-ի  ախոյեանութեան տիտղոսը, երբ   եօթներորդ եւ    վճռական մրցումին  95-88 արդիւնքով պարտութեան մատնեց  Սան Անթոնիօ Սփըրզը:  Մայէմիի յարձակող Լըպրոն Ճէյմս  ճանչցուեցաւ եզրափակիչ մրցումին լաւագոյն մարզիկը:  Ան նշանակեց  37  կէտ: Եօթ հանդիպումներու վրայ երկարող  վերջին ճակատումին,  Հիթ, ընդհանուր՝ 4-3 արդիւնքով պարտութեան մատնեց  Սփըրզը:

LEAVE A REPLY

Please enter your comment!
Please enter your name here