ՆԱԽԱԳԱՀ ՍԸԼԷՅՄԱՆ ԱՐՏԱԿԱՐԳ ԺՈՂՈՎԻ ԿՈՉ Կ’ՈՒՂՂԷ ԽՈՐՀՐԴԱՐԱՆԻՆ

0
142

Հանրապետութեան նախագահ  Միշէլ Սըլէյման իր այցելուներուն  յայտնեց, թէ  նախագահին իրաւասութեան սահմաններուն մէջ կ’իյնայ  նամակ   յղել ՄԱԿ-ի Ապահովութեան Խորհուրդին  եւ  Արաբական Լիկային:  Նախագահը նշեց, թէ   Սուրիոյ եւ Լիբանանի միջեւ  հարցերը ՄԱԿ-ի  միջոցաւ  լուծելու  առաջին  քայլը  եկած էր  Սուրիայէն: Սըլէյման  ընդգծեց, թէ կը  մնայ երկրին գերիշխանութեան եւ  անվտանգութեան պատասխանատուն եւ  նախանձախնդիր կը մնայ արգիլելու  Լիբանանի  դէմ որեւէ ոտնձգութիւն: Ան  նշեց, թէ  ՄԱԿ-ի ընդհանուր քարտուղարի  ներկայացուցիչ  Տերէք Փլամլիին յանձնածը   բողոգագիր չէր, այլ՝  Լիբանանի սահմանային  գիւղերուն իրավիճակը բացատրող  գիր:

Նախագահ  Սըլէյման արտակարգ խորհրդրանի  նիստ գումարելու  կոչ ուղղեց խորհրդարանին՛ ընտրական նոր օրինագիծ մը  որդեգրելու  նպատակով: Նախագահը  արդարադատութեան նախարար  Շեքիպ Ղըրթպաուիէն պահանջեց  անհրաժեշտ   քայլերու  դիմել երեսփոխան Ասէմ Քանսոյի  դէմ՝   զինք գերագոյն  դաւաճանութեան յանցանքով  ամբաստանելու պատճառով:

 Լիբանանեան Ուժեր կուսակցութեան պետ Սամիր Ժաաժա  քննադատեց բոլոր այն   հոսանքները, որոնք կը յարձակին հանրապետութեան նախագահին  քայլերուն վրայ:  Ժաաժա  դիտել տուաւ, որ քննադատողները կը փորձեն երկրին օրինականութեան  վերջին պատուանդանը քանդել:

Հրաժարեալ վարչապետ  Նեժիպ Միքաթի յայտարարեց, թէ  պետութիւնը աւելի հզօր է, քան՝  Հըզպպալլան: Ան    քննադատեց  Սուրիոյ հակամարտութեան    արտաքին բոլոր միջամտութիւնները:

LEAVE A REPLY

Please enter your comment!
Please enter your name here