ՍԱՀՄԱՆԱԴՐԱԿԱՆ ԽՈՐՀՈՒՐԴԸ ՉՈՐՐՈՐԴ ԱՆԳԱՄ ԱԼ ՁԱԽՈՂԵՑԱՒ

0
105

Սահմանադրական Խորհուրդը  յաջորդական չորրորդ անգամ ըլլալով ձախողեցաւ  գումարելու նիստ, քննարկելու համար  խորհրդարանի երկարաձգումի դէմ  ներկայացուած  վիճարկումը:  Ինչպէս նախորդ նիստերուն,  Խորհուրդի երկու շիի եւ մէկ  տիւրզի անդամները  բացակայեցան նիստէն:  Ըստ գործող սահմանադրութեան, վիճարկումը ներկայացուելէ ամիս ետք, Սահմանադարական Խորհուրդը   որոշում չկայացնելուպարագային,  վիճարկումը ինքնաբերաբար կը  կորսնցնէ իր  ուժականութիւնը:  Հետեւաբար,  21  Յունիսին սկսաւ խորհրդարանի  երկարաձգումի հանգրուանը:    Սահմանադրական Խորհուրդի նախագահ Իսամ Սըլէյման  այս ուղղութեամբ տեղեկագիր մը  յղեց  իշխանութեան  երեք ներկայացուցիչներուն:

Լիբանանեան խորհրդարանին առջեւ  շարունակուեցաւ նախորդ օրը  երեկոյեան խորհրդարանի երկարաձգման դէմ կազմակերպուած   բողոքի  նստացոյցը:  Նստացոյցին մասնակից կարգ մը երիտասարդներ   լոլիկ նետեցին  Սահմանադրական Խորհուրդի   շէնքի  մուտքին:  Կ’արժէ նշել, որ լիբանանեան խորհրդարանի  կայքէջը ցանցահէններու կողմէ   յարձակման ենթարկուեցաւ երէկ:

Խորհրդարանի նախագահ Նեպիհ Պըրրի  հարցուց, թէ  խորհրդարանի երկարաձգումը պահանջող երեսփոխաննները արդեօ՞ք  սպառնալիքի տակ  կամ  ճնշումի տակ  առած էին իրենց որոշումը:

LEAVE A REPLY

Please enter your comment!
Please enter your name here