ԵՒՐՈՄԻՈՒԹԵԱՆ ՆԱԽԱԳԱՀԸ ԱՐՑԱԽԻ ԿԱՑՈՒԹԻՒՆԸ ՉՍՐԵԼՈՒ ԿՈՉ Կ’ՈՒՂՂԷ

0
117

Եւրոմիութիւնը կը հաւատայ, որ Հարաւային Կովկասի մէջ կարելի չէ խաղաղութիւն հաստատել, եթէ ղարաբաղեան հակամարտութեան արդար լուծում մը չգտնուի. այսպէս յայտարարեց  Եւրոմիութեան նախագահ Հերման Վան Ռոմփոյ, միաժամանակ յիշեցնելով, որ Եւրոմիութիւնը կը շարունակէ սատարել ԵԱՀԿ Մինսքի խմբակի միջնորդական ջանքերուն:
Ըստ Եւրոմիութեան պաշտօնական կայքին վրայ զետեղուած հաղորդագրութեանց՝ Ռոմփոյ ողջունած է նաեւ «Ութեակի խմբակ»ի գերաստիճանին ընթացքին ԵԱՀԿ Մինսքի խմբակի համանախագահող երկիրներու ղեկավարներուն յայտարարութիւնը:
Եւրոմիութեան նախագահը յիշեցուց, որ Ֆրանսայի, Միացեալ Նահանգներու եւ Ռուսիոյ նախագահները կոչ ըրած են հակամարտող երկիրներու ղեկավարներուն, որ հաւատարիմ մնան Հելսինքեան սկզբունքներուն, մանաւորապէս՝ ուժի չկիրառման, տարածքային ամբողջականութեան, իրաւահաւասարութեան եւ ժողովուրդներու ինքնորոշման սկզբունքներուն:
Հերման Վան Ռոմփոյ նաեւ կոչ ըրաւ հակամարտող կողմերուն՝ զերծ մնալու որեւէ գործողութենէ եւ հռետորաբանութենէ, որ կրնայ աւելիով սրել իրավիճակը տարածաշրջանին մէջ:

 

LEAVE A REPLY

Please enter your comment!
Please enter your name here