ՃՈՄՊԼԱԹ ԿՐՆԱՅ ՊԱՏՈԻՐԱԿՈՒԹԻՒՆ ՂՐԿԵԼ ՌԻԱՏ

0
109

 Լաւատեղեակ աղբիւրներ կը հաղորդեն, թէ նոր կառավարութեան կազմութիւնը օրերու հարց է: Այս  ծիրին մէջ, ընկերվար Յառաջդիմական Կուսակցութեան պետ Ուալիտ Ճոմպլաթի  որդին՝ Թէյմուր Ճոմպլաթ եւ   ընկերային  հարցերու հրաժարեալ նախարար Ուայէլ Ապու Ֆաուր, Երկուշաբթի օր  պիտի  մեկնին   Սէուտական Արաբիա  եւ հանդիպում  պիտի ունենան Սէուտական Արաբիոյ գաղտնի սպասարկութեան պետ իշխան  Պանտար Պըն  Սուլթանի, ինչպէս նաեւ նախկին վարչապետ Սաատ Հարիրիի հետ:  Նախագահ Սըլէյման,  Ճոմպլաթ եւ Սալամ  ամենայարմար տարազը կը  նկատեն «երեք ութ»երու  տարբերակը: Միւս կողմէ, Մարտ  14-ի ուժերը Ուալիտ Ճոմպլաթը կ’ամբաստանեն՝  իրողական կառավարութեան  տարբերակը ձախողութեան մատնելու եւ քաղաքական կառավարութիւն մը կազմելու  աշխատանքներուն համար:  

Լիբանանեան  կարգ մը  օրաթերթեր կը գրեն, թէ Սէուտական Արաբիա  յառաջիկայ  քանի մը  օրեերուն  ընթացքին աննախընթաց քայլեր  պիտի  առնէ  Հըզպալլայի դէմ:

LEAVE A REPLY

Please enter your comment!
Please enter your name here