ԳՈՆՖԵՏԵՐԷՅՇՆ ԳԱՓ-Ի ԿԻՍԱԵԶՐԱՓԱԿԻՉԸ ՅՍՏԱԿԱՑԱՒ

0
184

Պրազիլի  մէջ  տեղի ունեցող, Ֆութպոլի  միջազգային «Գոնֆետերէյշըն Գափ»ի կիսաեզրափակիչ հանգրուանի մրցումներուն,  Սպանիոյ հաւաքականը պիտի մրցի Իտալիոյ դէմ, Պրազիլ՝ Ուրուկուէյի:   Պրազիլ – Ուրուկուէյ ճակատումը տեղի պիտի  ունենայ  Չորեքշաբթի,  26 Յունիսին, իսկ Իտալիա- Սպանիա հանդիպումը՝ Հինգշաբթի,  27 Յունիսին:

 

ՍՊԱՆԻՈՅ  ՀԱՒԱՔԱԿԱՆԻՆ ՆՈՐ ՄՐՑԱՆԻՇԸ

 «Գոնֆետերէյշն Գափ»ի գծով Նիքարակուայի  դէմ կատարած մրցումին ընթացքին, Սպանիոյ հաւաքականը հաստատեց  նոր մրցանիշ: Սպանիա՝ 3-0արդիւնքով պարտութեան մատնեց Նիճերիան: Արդարեւ, սպանացիները  28-րդ  յաջորդական  միջազգային հանդիպումը կատարեցին՝ առանց պարտութեամբ  հեռանալու դաշտէն: Նախկին  մրցանիշը կը պատկանէր Ֆրանսայի հաւաքականին՝ 27  մրցում:  Սպանիոյ հաւաքականը իր վերջին պարտութիւնը կրած է 12 Նոյեմբեր 2011-ին, Ուեմպլի մարզադաշտին մէջ , Անգլիոյ դէմ  բարեկամական միջազգային  մրցումի մը  ընթացքին:

ՍՈՒԱՐԷԶ ՝ ՈՒՐՈՒԿՈՒԷՅԻ ՊԱՏՄՈՒԹԵԱՆ  ԱՌԱՋԻՆ ՌՄԲԱՐԿՈՒՆ

Լիվըրփուլի եւ  Ուրուկուէյի հաւաքականի  յարձակող Լուիս Սուարէզ, «Գոնֆետերէյշըն  Գափ»ի   գծով, Թահիթիի դէմ  Ուրուկուէյի արձանագրած յաղթանակին  ընթացքին նշանակեց երկու կոլ, դառնալով Ուրուկուէյի հաւաքականի պատմութեան ամենաշատ կոլ նշանակող մարզիկը:   Սուարէզ,   Ուրուկուէյի հաւաքականին շապիկը կրած է  67 անգամ եւ նշանակած է 35 կոլ, մէկ կոլով  գերազանցելով Տիէկօ Ֆորլանի ցուցանիշը:  Ուրուկուէյ՝ 8-0 արդիւնքով  յաղթանակ մը արձանագրեց Թահիթիի դէմ:

ՀԵՆՐԻԽ ՄԽԻԹԱՐԵԱՆ ԿԸ ՀԱՆԳՍՏԱՆԱՅ  ՓԱՐԻԶԻ ՄԷՋ, ԲԱՅՑ ԿՐՆԱՅ ՄԻԱՆԱԼ ԼԻՎԸՐՓՈՒԼԻ..

«  Liverpool  Transfer  Update»  հաղորդեց, թէ  Լիվըրփուլ ակումբը  համաձայնութեան եկած է  Տոնեցքի Շախտիորին հետ՝ Հենրիխ Մխիթարեանի   փոխանցման շուրջ: Այս մասին առայժմ չկայ պաշտօնական   հաղորդում :

 Միւս կողմէ, Հայաստանի   հաւաքականի եւ  Տոնեցքի Շախտիորի կիսապաշտպան  Հենրիխ Մխիթարեան յայտարարեց, թէ կը  շարունակէ հանգստանալ  Փարիզի մէջ:  Մխիթարեան  շնորհակալութիւն  յայտնեց  իր    հետեւորդներուն ցուցաբերած  մտահոգութեան՝  Լիվըրփուլ  միանալու  բանակցութիւնները  ձախողելու առիթով եւ  յայտնեց, թէ  պաշտօնական գործակալ մը կը  զբաղի իր  փոխանցումին գործողութիւններով: Մխիթարեան խոստացաւ առաջին  տեղեկացնողը  դառնալ իր հետ կապուած  նորութիւնները:

ՊՐԱԶԻԼ –  ԻՏԱԼԻԱ՝ 4-2

Պրազիլի մէջ  տեղի ունեցող ֆութպոլի «Գոնֆետերէյշն Գափ»ի Ա. խմբակի  երրորդ  հանգրուանի մրցումներուն, Պրազիլի հաւաքականը 4-2 արդիւնքով պարտութեան մատնեց  Իտալիան(կիսախաղ՝ 1-0): Պրազիլի կոլերը նշանակեցին  Տանթէ,  Նէյմար,  Ֆրէտ (2):  Իտալիոյ  կոլերը նշանակեցին  Չակերինի եւ  Գելինի:  Միեւնոյն խմբակին մէջ, շնորհիւ  Մանչեսթըր Եունայթըտի  յարձակող Խաւիէ Հեռնանտէզի նշանակած երկու  կոլերուն,  Մեքսիքօ,  2-0 արդիւնքով պարտութեան մատնեց Ճափոնը:

ԱՆՃԵԼՈԹԻ ՄԻԱՅՆ ՈՒԹ ՄԻԼԻՈՆ ԵՈՒՐՕ ԱՇԽԱՏԱՎԱՐՁ ՊԻՏԻ ՍՏԱՆԱՅ  ՌԷԱԼԷՆ

Իտալացի մարզիչ Գառլօ Անճելոթի  քանի մը օրերու  ընթացքին, երկու տարուան պայմանագրութիւն պիտի  կնքէ  Ռէալ  Մատրիտի հետ:  Սպանական ակումբը 4.5 միլիոն եուրօ վնասուց հատուցում պիտի վճարէ  Փարի Սէն  Ժերմէնին, որպէսզի ապահովէ 47-ամեայ Անճելոթիի   տեղափոխութիւնը:  Ֆրանսական ակումբին մօտ Անճելոթիի պաշտօնը ստանձնեց   Լորան Պլանը:

ՕԶՊԻԼԻՍ ՄԻԱՑԱՒ  ՔՈՒՊԱՆԻ

Հայաստանի հաւաքականի եւ Այաքս Ամսթերտամի կիսապաշտպան Արազ Օզպիլիս  միացաւ  Քրասնատարի  Քուպանին: 23-ամեայ ֆութպոլիստը յայտնեց, թէ հաւաքականի խաղընկերներէն   Մարկոս  Փիզելին մեծ դերակատարութիւն ունեցած է  Քուպանի միանալու իր որոշումին մէջյ:  Օզպիլիս նաեւ    երախտագիտութիւն յայտնեց Այաքսին,  նշելով թէ  միշտ պարտական պիտի մնայ  հոլանտական ակումբին:

ՍՈՖԻԱՅԻ  ԲԱՆԱԿԱՅԻՆՆԵՐԸ  ՍՆԱՆԿԱՑԱՆ

Ֆութպոլային  աշխարհին  հանրածանօթ  Սոֆիայի բանակայիններու   ակումբը սնանկացաւ: Շատ  հաւանաբար  Սոֆիայի բանակայինները միանան Լովչեւ  քաղաքի  Լիթեքս ակումբին:  Սոֆիայի բանակայինները երրորդ դիրքը գրաւեցին  ընթացիկ տարուան Պուլկարիոյ  ախոյեանութեան մրցումներուն:  Բանակայիններու մարզիչը աշխարհահռչակ  ֆութպոլիստ Խրիսթօ  Սթոյչքովն  է:

ՆԷՅՄԱՐ  ՀԱՒԱՍԱՐԵՑԱՒ   ՄԻՒԼԸՐԻ, ՔԼԱՅՎԸՐԹԻ ԵՒ ՌՈՆԱԼՏՈՅԻ ՄՐՑԱՆԻՇԻՆ

 Պրազիլ – Իտալիա «Գոնֆետերէյշըն Գափ»ի գծով  մրցումին   ընթացքին, Պրազիլի նշանակած կոլերէն մէկուն  հեղինակ Նէյմար  հաւասարեցաւ Կերտ  Միւլըրի,  Փաթրիք Քլայվըրթի եւ հայրենակից Ռոնալտոյի  մրցանիշին: Արդարեւ,  Իտալիոյ դէմ Պրազիլի  արձանագրած  4-2 յաղթանակին ընթացքին, Նէյմարի   նշանակած կոլը, ընթացիկ եղանակի (մէկ տարեշրջանի ընթացքին) անոր  14-րդն էր:  Միեւնոյն ցուցանիշը  հաստատած  են  Միւլրը,  Քլայվըրթը եւ Ռոնալտօն: Նէյմար  Պրազիլի  հաւաքականին շապիկով կատարած   վերջին  18 մրցումներուն ընթացքին  նշանակած է  14 կոլ:

ԶԻՏԱՆ  ԴԱՐՁԱՒ 41   ՏԱՐԵԿԱՆ

Ֆրանսական եւ համաշխարհային ֆութպոլի  առասպելական դէմքերէն՝ Զինէտտին Զիտան դարձաւ 41 տարեկան:  Անուանի  ֆութպոլիստը  իր ասպարէզը սկսած է   Գան խումբէն՝(1987-1992), ապա միացած է  Պորտոյի՝  (1992- 1996), Եուվենթուսի՝  (1996-2001),  Ռէալ Մատրիտի՝( 2002 – 2006): Ֆրանսայի հաւաքականի կազմին հետ Զիտան կատարած է 108 մրցում, նշանակելով՝    31 կոլ:

ԱԼՄԷՅՐԱ ՎԵՐԱԴԱՐՁԱՒ ՓԸՐԸՄԻՅԷՐԱ ԼԻԿ

Ալմէյրա խումբը  յառաջիկայ  մարզական տարեշրջանին պիտի մասնակցի Սպանիոյ բարձրագոյն լիկայի ախոյեանութեան մրցումներուն:  Անոր պիտի միանան Էլչէ եւ Վիլառէալ ակումբները: Իսկ  Տեփորթիվօ Լա Գորունա,  Մայորքա եւ  Ռէալ Սարակոզա կորսնցուցին Փըրըմիյէր Լիկայի իրենց  դիրքը եւ   ինկան  առաջին  դասակարգ:

ՌԷԱԼ ԿԸ  ՓՈՐՁԷ  ՈՒՆԵՆԱԼ ԿԻՈՒՆԹՈԿԱՆԻՆ

 Ռէալ Մատրիտ ակումբը կը  փորձէ իր կազմին մէջ ունենալ Գերմանիոյ ազգային  խումբի եւ  Պորուսիա Տորթմունտի  կիսապաշտպան  Իլքայ  Կիունթոկանին: 22-ամեայ  ֆութպոլիստին  փոխանցումը ապահովելու համար, սպանական ակումբը պատրաստ է  25  միլիոն եուրօ գումար  մը   վճարել Տորթմունտին:

ԻՍՔՕ ՊԻՏԻ ՄԻԱՆԱՅ ՌԷԱԼԻ

 Մալակայի եւ Սպանիոյ  ազգային  խումբի  կիսապաշտպան  Իսկօ պիտի  միանայ  Ռէալ  Մատրիտի:   Արքայական ակումբը  24   միլիոն եուրօ պիտի վճարէ  Մալակային:  Անգլիական  Մանչեսթըր Սիթի ակումբը նոյնպէս կը փափաքէր իր կազմին մէջ ունենալ Իսկօն: Միւս կողմէ,  Նափոլիի եւ Ուրուկուէյի  ազգային  խումբի յարձակող Էտինսոն Գաւանի հերքեց  ռուսական Անժի խումբին միանալու մասին տեղեկութիւնները: Գաւանի յայտարարեց, թէ իր նախընտրութիւնը կ’երթայ  Ռէալ Մատրիտին:

ԵՈՒՐՕ –  2013  ԽՈՐՀՐԴԱՆՇԱԿԱՆ  ՀԱՒԱՔԱԿԱՆԸ

 Իսրայէլի մէջ  աւարտեցաւ  ֆութպոլի  երիտասարդան ( 21 տարեկանէն վար), Եւրոպայի ախոյեանութիւնը: Մրցաշարքի լաւագոյն  ֆութպոլիստ ընտրուեցաւ Սպանիոյ եւ Պարչելոնայի կիսապաշտպան  Թիակօ  Ալքանթարան:  Մասնագէտները  միաժամանակ   կազմեցին Եւրոպայի  երիտասարդական խորհրդանշական  հաւաքականը:  ԲԵՐԴԱՊԱՀՆԵՐ՝ Ֆրանչեսքօ  պարտի (Իտալիա), Տաւիտ Տը խէա ( Սպանիա),  Էրիան Նիուլան- Հաշոլտ ( Նորվեկիա): 

ՊԱՇՏՊԱՆՆԵՐ՝  Մարք Փարթրա (Սպանիա), Լուքա Քալտիրոլա (Իտալիա), Ինիկօ Մարթինէզ (Սպանիա),  Պրունօ  Ինտի (Հոլանտա), Մարթին Մոնթոյա (Սպանիա), Ալպերթօ  Մորենօ (Սպանիա), Սթեֆան Սթրանպերկ(Նորվեկիա): 

ԿԻՍԱՊԱՇՏՊԱՆՆԵՐ՝  Ալան  Ձակոյեւ (Ռուսիա),  Լուիս Հոլթպի(Գերմանիա), Սիէր Իյարամենտի (Սպանիա),  Իսքօ (Սպանիա),  Քոքէ (Սպանիա), Ատամ  Մախէր( Հոլանտա), Թիակօ Ալքանտարա (Սպանիա), Մարքօ Վերաթի(Իտալիա): 

ՅԱՐՁԱԿՈՂՆԵՐ՝  Ֆապիօ Պորինի(Իտալիա),  Լուք Տէ Եոնկ (Հոլանտա), Ալվարօ Մորաթա(Սպանիա), Ռոտրիկօ (Սպանիա),  Ճիորճիօ  Վէյնալտում (Հոլանտա):

ՊԱՐՉԵԼՈՆԱՅԻ ԱՌԱՋՆԱՅԻՆ ՓՈԽԱՆՑՈՒՄՆԵՐԸ

Գաթալոնական ակումբը ամառնային  փոխանցումներու  ընթացքին պիտի  փորձէ  ձեռք  բերել  Փարի Սէն Ժերմէնի եւ Պրազիլի  հաւաքականի  յետսապահ  Թիակօ Սիլվան:  Պարչելոնայի մարզիչ  Թիթօ Վիլանովայի  կարծիքով,  Նէյմարը  գնելէ ետք,  պիտի փորձէ  լուծել  կեդրոնական պաշտպանութեան  օղակի վրայ  ծագած խնդիրները:  Չելսիի եւ Պրազիլի  կեդրոնական  յետսապահ  Տաւիտ  Լուիզ նոյնպէս  կրնայ  լուծել գաթալոնական ակումբին պաշտպանութեան խնդիրները: Միւս կողմէ, կիսապաշտպան  Թիակօ Ալքանաթրա եւ Տաւիտ Վիլա պիտի հեռանան Սպանիոյ ախոյեաններէն:

ԵՈՒՐԱ ՄՈՎՍԻՍԻԵԱՆ Կ’ԱՐԺԵՒՈՐԷ  ՎԱՐԴԱՆ ՄԻՆԱՍԵԱՆԻ ԱՇԽԱՏԱՆՔԸ

« Կը խորհիմ որ Վարդան  Մինասեանը  ոչ միայն հիանալի մարզիչ է, այլեւ՝  հոյակապ մարդ». յայտարարեց  Մոսկուայի Սպարտակի եւ Հայաստանի   հաւաքականի  յարձակող Եուրա  Մովսիսեանը: Ան ըսաւ, որ հաւաքականին մէջ միայն դրական զարգացումներ կը նշմարէ եւ գոհ է մարզիչին աշխատանքէն:

ԼՈՒԻՍ ԱԼՊԵՐԹՕ  ԵՒ  ԻԱԿՕ ԱՍՓԱՍ  ՄԻԱՑԱՆ ԼԻՎԸՐՓՈՒԼԻ

Սեւիլիա խումբի 20-ամեայ  յարձակող Լուիս Ալպերթօ  պաշտօնապէս միացաւ Լիվըրփուլի: Ալպերթոյի փոխանցման  գործառքը արժեց 6.8 միլիոն եուրօ: Սպանացի  ֆութպոլիստը երկարաժամկէտ   պայմանագրութիւն մը կնքեց «Կարմիրներ»ուն հետ:  Միւս կողմէ,  Չելթա Վիկօ խումբի  25-ամեայ  յարձակող  Իակօ Ասփաս    չորս տարուան պայմանագրութիւն մը կնքեց «Կարմիրներ»ուն հետ:

ԿԱԼՎԱՆՏ  ՇԱՀԵՑԱՒ  ՏԱԼԻ  ՄՐՑԱՇԱՐՔԸ

Իսրայէլացի  Պորիս Կալվանտ  շահեցաւ ճատրակի  աշխարհը  ութերորդ ախոյեան  Միխայիլ Տալի յուշամրցաշարը:  Մրցաշարքի  իններորդ եւ  վերջին հանգրուանին, Կալվանտ հաւասարութիւն մը արձանագրեց  Վ  լատիմիր Քրամնիքի հետ: եւ վեց կէտով գրաւեց առաջին դիրքը: Մակնուս Գարլսըն  5.5  կէտով գրաւեց երկրորդ դիրքը:

ԹԵՎԵՍ ՊԻՏԻ  ՄԻԱՆԱՅ  ԵՈՒՎԵՆԹՈՒՍԻ

Մանչեսթըր Սիթիի եւ  Արժանթինի  հաւաքականի յարձակող Գարլոս  Թեվէզ  պիտի միանայ Եուվենթուսի: Իտալական ակումբի տնօրէն Ճուզեփէ Մարոթա  մեկնեցաւ  Անգլիա եւ հանդիպում  ունեցաւ   Սիթիի տնօրէնութեան հետ:  Թեվէզի  փոխանցման սակը կը գնահատուի  15 միլիոն սթերլին:

 

LEAVE A REPLY

Please enter your comment!
Please enter your name here