ՄՈԱԼԼԷՄ՝ ԻՇԽԱՆԱՓՈԽՈՒԹԻՒՆ ՏԵՂԻ ՊԻՏԻ ՉՈՒՆԵՆԱՅ ԺԸՆԵՒԻ ՄԷՋ

0
138

Սուրիոյ  արտաքին գործոց նախարար Ուալիտ Մոալլէմ  դիտել տուաւ, թէ  իշխանափոխութիւն տեղի պիտի չունենայ  Ժընեւի  խորհրդաժողովին ընթացքին: Ան հարց տուաւ՝ ինչո՞ւ  արեւմտեան  կարգ մը պետութիւններ Լիբանանի եւ Իրաքի սահմանգիծերուն վրայ  հսկողութիւնը  ամրապնդելոգ կոչ կ’ուղղեն եւ կ’անտեսեն Սուրիոյ հետ Յորդանանի եւ Թուրքիոյ սահմաններուն պարագան:

Միւս կողմէ, Ֆրանսա՝ Սուրիոյ  չափաւորական խումբերէն պահանջեց ծայրայեղականներէն վերցնել անոնց վերահսկողութեան տակ գտնուող  տարածութիւնները: Նախագահ Ֆրանսուա Հոլանտ խոստացաւ    կրկնապատկել Յորդանանի մէջ հաստատուած  սուրիացի գաղթականներուն ցուցաբերուած  մարդասիրական օժանակութեան քանակը:

 Սէուտական Արաբիա եւ  Քաթար յայտարարեցին, թէ պիտի շարունակեն զէնք մատակարարել Սուրիոյ ընդիմութեան: Իսրայէլեան «Տեպքա Ֆայլզ» կայքը   կը գրէ, թէ վարչապետ Էրտողան արգիլած է  Սուրիոյ ընդդիմութեան արագուող,  զէնքի  նոր   հոսք մը  դէպի Սուրիա,  խուսափելով  Ռուսիոյ կողմէ վրէժխնդրութեան մը   կարելիութենէն:  

Ռազմական գետնի վրայ, Դամասկոսի  մէջ անձնասպանական գործողութեան մը զոհ դարձան հինգ  քաղաքացիներ: Ինը ուրիշներ վիրաւորուեցան: Հալէպի մէջ, Ճեպհէթ Ալ Նուսրայի զինեալ մահապատիժի ենթարկեցին խումբ մը պաղեստինցիներ:

LEAVE A REPLY

Please enter your comment!
Please enter your name here