ՍԱԼԱՄ՝ ԱՊԱՀՈՎՈՒԹԻՒՆԸ ԿԱՐԵԼԻ ՊԻՏԻ ՉԸԼԼԱՅ ՍԱԿԱՐԿԵԼ

0
97

 Նորանշանակ  վարչապետ Թամամ Սալամ   դարձեալ  շեշտեց, թէ կը մերժէ  իր  գլխաւորելիք կառավարութեան մէջ կուսակցական ներկայացուցչութիւնը: Սալամ նաեւ կը մերժէ անուններ որոնք կրնան  գրգռութեան աղբիւր  դառնալ կառավարութեան կազմին մէջ:  Վարչապետին հայեցողութեամբ՝ «երեք ութեր»ու  ներկայացուցչական տարազը կը մնայ լաւագոյնը: Ութ  նախարարներ՝ Մարտ 14-ի ուժերուն,  ութ նախարար՝ Մարտ 8-ի ուժերուն եւ  ութ նախարար  չափաւորական՝  հանրապետութեան նախագահին եւ  Ուալիտ  Ճոմպլաթին:

Մարտ 14-ի ուժերը ներկայացնող աղբիւր մը հաւաստեց, թէ  անոնք կը մերժեն կառավարութեան մէջ Հըզպալլայի մասնակցութիւնը՝  որովհետեւ  քաղաքական  հովանոց շնորհած պիտի  ըլլան՝ Սուրիոյ մէջ անոր կատարած միջամտութիւններուն:

Սալամ երէկ ընդունեց  Երկխօսութիւն Կուսակցութեան   պետ Ֆուատ Մախզումէն եւ անոր հետ քննարկեց լիբանանեան  բեմին վերջին զարգացումները:  Սալ մա  նաեւ ընդունեց  սուրիական  բանտերուն մէջ արգելափակուած լիբանանցիներու  միութիւնը ներկայացնող պատուիրակութիւն մը եւ այլ անձնաւորութիւններ:Աւելի ուշ, ան այցելեց Այն Էլ Թինէ եւ  Նեպիհ Պըրրիի հետ  քննարկեց կառավարութեան կազմութեան հարցը, ինչպէս նաեւ Սայտայի զարգացումները: Սալամ  յայտարարեց,թէ  յետ այսու, ապահովական  որոշումներու  գործադրութիւնը, չի կրնար սակարկութեան նիւթ  դառնալ, իսկ կառավարութեան  ուշացումը ոչ   ոքի  պիտի նպաստէ: Իր կարգին, Պըրրի   հեռաձայնային հաղորդակցութիւններ ունեցաւ հանրապետութեան նախագահին եւ  բանակի ընդհանուր հրամանատար զօրավար Ժան Քահուաճիի հետ:

LEAVE A REPLY

Please enter your comment!
Please enter your name here