ԱՍԻՐԻ ՀԵՏՔԵՐԸ ԿԸ ՄՆԱՆ ԱՆՈՐՈՇ

0
118

 Շէյխ Ահմէտ Ասիրի  հետքերը կը մնան  անորոշ:  Լիբանանեան բանակը  իր ամբողջական  հակակշիռին տակ վերցուցած է  Պիլալ  Պըն Ռապահ մզկիթին  շրջապատը եւ  կը շարունակէ խուզարկութիւնները: Բանակը  ձերբակալած է հարիւրէ աւելի  կասկածելիներ: Լիբանանեան բանակը  մերժեց որեւէ պայմանի տակ  բանակցիլ Ասիրի հետ, աւելցնելով թէ  անոր   դէմ պիտի կիրարկուի  օրէնք: Ոմանք կ’ըսեն, թէ Ասիր  եւ անոր անմիջական  կողմնակիցները  ապաստանած են Այն Հելու  գաղթակայանը: Այսպէս կոչուած Սուրիոյ ազատ բանակը  հերքեց  անոր  Սուրիա գտնուելու մասին  տեղեկութիւնները: Կարգ մը  տեղեկութիւններու համաձայն, Ասիր  փախուստ տուած է Թրիփոլիի ուղղութեամբ: 

Ներքին գործոց նախարար Մարուան Շերպէլ դիտել տուաւ, որ երկիրը թեւակոխած է  վտանգաւոր հանգրուան մը: Շերպէլ  ըսաւ, թէ  բանակէն կ’ակնկալուի շարունակել իր  առաքելութիւնը:

Լիբանանեան բանակը  պաշտօնական  հաղորդագրութեամբ մը  յայտարարեց, թէ  Սայտայի բախումներուն  ընթացքին ինկած  նահատակներուն  թիւը  բարձրացած է   21-ի:   

Ապահովական  գետնի վրայ,անծանօթներ   ձեռնառումբ մը նետեցին  Թրիփոլիի Ճըմէյզաթ շրջանին մէջ գտնուող  լիբանանեան բանակի   կեդրոնին վրայ:

LEAVE A REPLY

Please enter your comment!
Please enter your name here