ՄԱԿ-Ը ՊԻՏԻ ՅՂԷ ՍՈՒՐԻՈՅ ԽՈՐՀՐԴԱԺՈՂՈՎԻՆ ՄԱՍՆԱԿՑԵԼՈՒ ՀՐԱՒԷՐԸ

0
112

Սուրիոյ   հակամարտութեան հարցով  միջազգային խորհրդաժողովին հրաւէրը պիտի ուղարկէ  ՄԱԿ-ի  ընդհանուր  քարտուղարը:  Սոյն հաստատումը կատարեց   Պան Քի Մուն: Լիւքսեմպուրկի արտաքին գործոց նախարար  Ժան Ասլպորն   մաղթեց, որ Իրան ներգրաւուի   «Ժընեւ-2»  խորհրդաժողովի բանակցութիւններուն:  Ասլպորնի կարծիքով, Իրանի մասնակցութիւնը պիտի նպաստէ  Սուրիոյ հակամարտութեան  քաղաքական լուծում գտնելու  ճիգերուն: Միացեալ Նահանգներու պետական քարտուղարութեան խօսնակ   Փաթրիք  Ֆենթրիլ յայտարարեց, թէ  Դամասկոսէն կ’ակնկալուի, որ «Ժընեւ -2» խորհրդաժողովին ընթացքին,  ընդդիմութեան յանձնէ իշխանութիւնը:

Սուրիոյ նախագահ  Պաշշար Ասատ հրապարակեց  հաղորդագրութիւն մը,  ուր  նիւթական եւ  պատժամիջոցներով եւ  հինգ տարոան բանտարկութեամբ կը զգուշացնէ, ապօրէն միջոցներով  Սուրիա մուտք գործողները: Ռուսիոյ արտաքին գործոց նախարար Սերկէյ  Լաւրով դատապարտեց  Սուրիոյ  ծայրայեղականները զինելու արաբական եւ  արեւմտեան կարգ մը  երկիրներու որոշումը: Բրիտանիոյ արտաքին գործոց նախարար Ուիլյըմ Հէյկ  յայտարարեց, թէ  Լոնտոն՝ Սուրիոյ  ընդդիմութիւնը  զինելու յստակ որոշում մը   չունի տակաւին:

Ռուսիոյ փոխարտաքին գործոց  նախարար Միխայիլ Պոկտանով  յայտարարեց, թէ Մոսկուա   չի ծրագրեր   զէնքի վաճառքի նոր  համաձայնագիրներ կնքել  Դամասկոսի հետ:  Միւս կողմէ,  Իսրայէլ   Միացեալ Նահանգներու խնդրանքով եւ Թուրքիոյ  ճանապարհով  զէնք  ակսաւ մատակարարել Սուրիոյ ապստամբներուն:

Թեհրան յայտարարեց, թէ  Ռամատանի շրջանին զինադադար  գոյացնելու  բանակցութիւնեեր տեղի կ’ունենան հակամարտութեան կողմերուն միջեւ:

Ռազմական գետնի վրայ, այսպէս կոչուած Սուրիոյ ազատ բանակը  Թուրքիոյ տարածքէն   փորձած է  մուտք գործել  Քեսապի շրջանը:  Բայց անյաջողութեան մատնուելով, հեռացած է:

LEAVE A REPLY

Please enter your comment!
Please enter your name here