ՊԱՆ ՔԻ ՄՈՒՆ՝ ԲՈԼՈՐ ԿՈՂՄԵՐԸ ՊԱՐՏԱՒՈՐ ԵՆ ՅԱՐԳԵԼՈՒ ԲԱՆԱԿԻՆ ՀԵՂԻՆԱԿՈՒԹԻՒՆԸ

0
118

ՄԱԿ-ի ընդհանուր քարտուղար Պան  Քի Մուն յայտարարեց, թէ   Լիբանանի բոլոր կողմերը պարտաւոր  են  յարգելու  բանակին հեղինակութիւնը:  Իր կարգին, ՄԱԿ-ի եւ Արաբական Լիկայի պատուիրակ Լախտար Իպրահիմի յայտարարեց, թէ  Սայտայի  դէպքերը անմիջականօրէն առնչուած էին Սուրիոյ զարգացումներուն հետ:

Հրաժարեալ վարչապետ Նեժիպ Միքաթի   ընդունեց  պաղեստինեան  խմբաւորումները ներկայացնող, ինչպէս  նաեւ  Ժամաա Իսլամիյէն ներկայացնող  պատուիրակութիւններ: Անոնք քննարկեցին Սայտայի ապահովութեան  վերաբերող հարցեր:

Մարտ 14-ի ուժերը Պէյթ Ալ Ուասաթի մէջ  գումարեցին արտակարգ  նիստ մը եւ քննարկեցին Սայտայի  իրավիճակը: Նիստի աաւարտին  լոյս ընծայուած հաղորդագրութեան մը  մէջ, Մարտ  14-ի ուժերը պահանջեցին  անմիջապէս կազմել նոր կառավարութիւնը, շեշտելով Պաապտայի  Յայտարարութեան  հաւատարիմ մնալու  անհրաժեշտութիւնը:

LEAVE A REPLY

Please enter your comment!
Please enter your name here