ԲԱՆԱԿԸ ՆՈՐ ՁԵՐԲԱԿԱԼՈՒԹԻՒՆՆԵՐ ԿԱՏԱՐԵՑ ՍԱՅՏԱՅԻ ՄԷՋ

0
123

Անցնող  24  ժամերուն ընթացքին, լիբանանեան  բանակը  նոր ձերբակալութիւններ կատարեց Սայտայի մէջ: Լիբանանեան  բանակի հրամանտարութեան կողմէ լոյս տեսաւ հաղորդագրութիւն մը, ուր կ’ըսուի, թէ բանակը հաւասար հեռաւորութիւն կը պահէ  բոլորէն եւ  քաղաքական  տարակարծութիւնները ոչ մէկ ազդեցութիւն  կ’ունենան  բանակին քայլերուն վրայ:

 Կառավարութեան մօտ  զինուորական ատեանի դատախազ  ՍաքրՍաքր  յայտնեց, թէ  շէյխ Ահմէտ Ասիրի  եւ Ֆատէլ Շաքէրի  թաքստոցին մասին  չկան  նորութիւններ:  Ան  նշեց, թէ   123  զինեալ  մասնակից դարձած է  Սայտայի դէպքերուն: Սաքր  շեշտեց,թէ բոլորին դէմ  բարձրացած է  ձերբակալութեան հրամանագիր:  Ոմանք կը յայտնեն, թէ  Ասիր  ապաստանած է Թրիփոլի: Ուրիշներ կը  խորհին,թէ ան տակաւին թաքնուած  թաքնուած կը մնայ  Սայտայի  մէջ: Ապահովական աղբիւրներ կը  բացառեն Սուրիա  անցնելու  կարելիութիւնները:  Ֆաթհ-ի  եւ պաղեստինեան  կազմակերպութիւններու  ընդհանուր քարտուղար  Ֆաթհի Ապու Արտէթ   հերքեց  երկու  փախստականներուն   Այն Հելու գաղթակայանը ապաստանելու մասին տեղեկութիւնները:  Ան    շեշտեց, որ պաղեստինեան  գաղթակայանները  հեռու պիտի մնան ներլիբանանեան բեմի  զարգացումներէն:

Սայտայի   կառավարիչ  Նիքոլա Պու Տահէր  ընդլայնուած նիստ մը գումարեց եւ  քննարկեց  քաղաքին ապահովական իրավիճակը, ինչպէս նաեւ կենցաղային  հարցեր: Սայտայ  վերագտած է  սովորական   իրավիճակը:

LEAVE A REPLY

Please enter your comment!
Please enter your name here