ԺԸՆԵՒԻ ԽՈՐՀՐԴԱԺՈՂՈՎԻՆ ՃԱԿԱՏԱԳԻՐԸ ԱՆՈՐՈՇՈՒԹԵԱՆ ՄԱՏՆՈՒԵՑԱՒ

0
114

Ժընեւի մէջ, Սուրիոյ հակամարտութիւնը  քննարկող ՄԱԿ-ի, Ռուսիոյ եւ Միացեալ Նահանգներու ներկայացուցիչները  ձախողեցան    ճշդել  «Ժընեւ -2» խորհրդաժողովին  թուականը: Խորհրդակցութեան մասնակիցներէն իւրաքանչիւրը,  տարբեր եղանակով կը մեկնաբանէ խորհրդաժողովը:

 Յորդանանի Ապտալլա Բ.  Վեհապետը  յայտարարեց, թէ  ժամանակն է, որ արաբական եւ միջազգային  լուրջ  ճիգերով լուծում մը  գտնուի Սուրիոյ հակամարտութեան:  Ան զգուշացուց, որ   Սուրիոյ հակամարտութիւնը  կրնայ տարածուիլ  դրացի պետութիւններու մէջ: Ապտալլա Բ. ընդգծեց, թէ Սուրիոյ հակամարտութիւնը  քաղաքացիական պատերազմէն  թեւակոխած է  շրջանային եւ համայնքային հակամարտութեան հանգրուանը: Թագաւորը   շեշտեց, թէ Սուրիոյ  բաժանումը   նպաստաւոր պիտի  չըլլայ ոեւէ մէկուն համար:

ՄԱԿ-ի մօտ  Միացեալ  Նահանգներու դեսպան Սուզան  Ռայս  դիտել տուաւ, որ  Սուրիոյ հակամարտութեան  նկատմամբ  միասնական դրսեւորումի բացակայութիւնը  ժխտական անդրադարձ ունեցած է  միջազգային կազմակերպութեան վարկին վրայ:  Ռայս՝  Ռուսիան եւ Չինաստանը քննադատեց  սոյն ձախողութեան համար:

ՄԱԿ-ի մօտ Սուրիոյ դեսպան  Պաշշար  Ճաաֆարի քննադատեց Միջին Արեւելքի հակամարտութիւնը  միակողմանիօրէն ներկայացնելու  ՄԱԿ-ի ընդհանուր քարտուղարի  օգնական  Ֆեռնանտօ Թրանքոյի  մօտեցումը: Ճաաֆարի  նշեց, թէ  Թրանքօ խուսափած է   հաստատելու, որ Դամասկոս առաջին իսկ օրէն հետաքննութիւն պահանջած  էր, ապացուցելու՝  Հալէպի մօտակայ շրջաններուն մէջ քիմիական զէնքը օգտագործելու մասին տեղեկութիւնները: Ան աւելցուց  թէ  Սուրիա  միշտ պատրաստ է  ընդունելու հետաքննութեան առաջարկները : Միւս  կողմէ, արաբական Խորհրդարաններու նախագահ  Ահմէտ Պըն  Մուհամմէտ Ռաշէտ  Ճըրուան  քննադատեց  Սուրիոյ հակամարտութեան մէջ Իրանի եւ Հըզպալլայի միջամտութիւնները:

Իրանի արտաքին  գործոց նախարար Ալի Սալեհի՝  Սուրիոյ հետ փոխյարաբերութիւնները  վերանայելու կոչ մը ուղղեց    Քաթարի նոր   իշխանին:

Ռազմական գետնի վրայ,  բաանկը  իր ամբողջական հակակաշիռին տակ վերցուց Թատմորի  շրջանին մէջ գտնուող  կազի պաշարներու  դաշտերը:

LEAVE A REPLY

Please enter your comment!
Please enter your name here