ՄԻՋԱԴԷՊ ՃԸՍՐ ՈՒԱԹԻԻ ՄԷՋ

0
110

Ապահովական գետնի վրայ, ականատեսներ կը վկայեն թէ  երէկ առաւօտեան, Ճըսր Ուաթիի մէջ,   երեք երիտասարդներ իրենց  ինքնաշարժէն  իջնելով  դաշոյններով յարձակած են   «մինի-վան»ի մը վրայ, վիրաւորելով կարգ մը անոր ուղեւորներ, ապա    Փախուստ տուած են  անորոշ ուղղութեամբ:  Լրատուական  աղբիւներ նախ հաղորդեցին թէ վիրաւորները իրանցիներ են: Աւելի ուշ պարզուեցաւ, թէ սուրիացիներ  էին յարձակումին  թիրախները:  Վիրաւորները  փոխադրուեցան Մար Եուսէֆ հիւանդանոց: Ապահովական աղբիւրներ հաղորդեցին, թէ   «մինի -վան»ը  Իրանի  հեռատեսիլէն նկարահանելու նպատակով   կը  փոխադրէր  առնուազն  25՝  հայ, քիւրտ եւ տարբեր  յարանուանութիւններու պատկանող  սուրիացիներ: Վիրաւորներուն մէջ կը գտնուին Յովաննէս Թոքճեան եւ  Մովսէս  Մարթամեան անունով հայեր:

Նախկին նախարար Ալի  Հիւսէյն Ապտալլայի  ինքնաշարժը կրակոցներու ենթարկուեցաւ  արեւմտեան Պեքաայի մէջ:  Ինքնաշարժը կը վարէր  նախարարին  զաւակը:

Թրիփոլիի   Պապ ալ Ռամլ, Սահաթ ալ Նուր եւ Սահաթ ալ Թէլ  շրջաններուն մէջ,  օրուան ընթացքին մերթընդմերթ յայտնուեցան զինեալներ: Բանակը ապահովական  շղթայ մը հաստատեց  շրջանին  մէջ եւ հետապնդեց  զինեալները:

Պաշտպանութեան նախարարի  գործակատար Ֆայէզ Ղըսն ջնջեց՝ 2012-ին  յանձնուած   զէնք կրելու արտօնագիրները եւ   միայն կարգ մը պարագաներու արտօնագիրներ   ուժի մէջ  պահեց մինչեւ՝ 31Դեկտեմբեր   2013:

 

LEAVE A REPLY

Please enter your comment!
Please enter your name here