ՊԸՐՐԻ ԸՆԴԼԱՅՆՈՒԱԾ ՆԻՍՏԻ ՊԻՏԻ ՀՐԱՒԻՐԷ ԽՈՐՀՐԴԱՐԱՆԸ

0
110

Խորհրդարանի նախագահ  Նեպիհ Պըրրի  իր այցելուներուն հետ քննարկեց կառավարութեան  կազմութեան եւ ապահովութեան հետ առնչուած հարցեր:  Պըրրի, Այն Էլ Թինէյի մէջ   գլխաւորեց խորհրդարանի դիւանի նիստին: Ան  հերքեց Սայտայի դէպքերուն Ամալի եւ Հըզպալլայի  մասնակցութեան մասին տեղեկութիւնները: Պըրրի յայտնեց, թէ ինք եւ    Թամամ  Սալամ   համաձայնած են  շտապել՝  կազմելու   նոր կառավարութիւնը: Պըրրի  միաժամանակ  դրուատեց  Սայտայի միջադէպերուն առնչութեամբ Սաատ Հարիրիի   ցուցաբերած հասկացողութիւնը:  Պըրրի նշեց, թէ  ընդլայնուած նիստի պիտի հրաւիրէ խորհրդարանը:   Ան աւելուց, թէ  նիստի   օրակարգերուն վրայ պիտի ըլլայ բանակի հրամանատար, զօրավար Ժան Քահուաճիին պաշտօնավարութիւնը երկարաձգելու    յօդուածը:  Քաղաքական գետնի վրայ   ընդհանուր համաձյնութիւն մը  կը  տիրէ Քահուաճիի պաշտօանավարութիւնը  երկարաձգելու  վերաբերեալ: Պըրրի Այն էլ Թինէի մէջ ընդունեց նախարար  Ալա Էլտտին Թըրօն եւ մեծ թիւով  երեսփոխաններ:

LEAVE A REPLY

Please enter your comment!
Please enter your name here