ԲԱՆԱԿԸ ԿԸ ՀԵՐՔԷ ՍԱՅՏԱՅԻ ՄԷՋ ԻՐ ԿՈՂՔԻՆ ԿՌՈՒՈՂ ԶԻՆԵԱԼՆԵՐՈՒ ՄԱՍԻՆ ՍԱԴՐԱՆՔԸ

0
104

Լիբանանեան բանակի հրամանատարութիւնը հրապարակեց հաղորդագրութիւն մը, ուր կ’ըսուի, թէ այն պահուն երբ   բանակը Սայտայի մէջ  ծանր մարտեր կը  մղէր, անոր դէմ  ճիհատ եւ  այլ բնոյթի  պատերազմներ յայտարարած  ուժերու դէմ,  անակնկալի  մատնուեցաւ,  երբ նշմարեց  իր դէմ  ծաւալող արշաւ մը՝  շինծու եւ արհեստական   նկարներու միջոցաւ հանրային կարծիքը շփոթի մատնելու  փորձերով, իբրեւ թէ Սայտայի բախումներուն  ընթացքին  տարբեր  զինեալներ կը  կռուէին  բանակի կողքին:  Բանակի հրամանատարութիւնը   երկար ժամանակ  սպասած է, ակնկալելով որ այս աժան քարոզչութեան  հեղինակները  ինքագիտակցութեան  գալով եւ   յանուն  բանակի նահատակներուն, կը   հրաժարին  իրենց  անպատուաբեր ու  վարկաբեկիչ արարքէն:    Հաղորդագրութիւնը կ’ընդծէ, թէ բանակը  մինակը մղած է  Սայտայի ճակատամարտը:  Բանակի  հրամանատարութիւնը ցաւ կը  յայտնէ, որ   լսատեսողական կարգ մը աղբիւրներ այսօրինակ  բարոյական  գայթակղութիւններով  կը փորձեն խեղաթիւրել հանրային կարծիքը: Բանակի հրամանատարութիւնը  միաժամանակ կը զգուշացնէ, թէ նմանօրինակ անհիմն  քարոզչութիւններու հեղինակները պատասխանատուութեան պիտի  ենթարկուին  ապագային:

LEAVE A REPLY

Please enter your comment!
Please enter your name here