ԹՈՒՐՔԻՈՅ ՄԷՋ ԿԸ ՊԱՀԱՆՋԵՆ ԿԵԶԻԻ ՄԻՋԱԴԷՊԵՐՈՒՆ ՄԷՋ ՀԱՅԵՐԸ ՄԵՂԱԴՐՈՂ ԴԱՍԱԽՕՍԻՆ ՀՐԱԺԱՐԱԿԱՆԸ

0
133

 Շուրջ հարիւր    դասախօսներ  բողոքի հաւաք մը կազմակերպեցին, պահանջելով՝  Պոլսոյ Եըլտըզ  համալսարանի արուեստի  դասախօս  փրոֆ. Ահմէտ Աթանի   հրաժարականը:  Վերջինս  Կեզիի հանրային պարտէզին  մէջ պատահած ցոյցերուն  ետին կը տեսնէր հայերու  «ձեռք»ը  եւ   մեղադրական խօսքեր կ’ուղղէր հայերուն եւ   հրեաներու հասցէին, գրելով.« Եթէ հայ, յոյն կամ հրեայ էք, այդ   պարագյին կը հասկնամ, թէ ինչու էք այդքան  գործունեայ դեր կը խաղաղք կեզիի ցոյցերուն մէջ:   Դուք  մէկ անգամ  փորփրեցէք  ձեր անցեալը»:

Աթանի այս  խոսքերը  մեծ ընդվզում  յառաջացուցին  թուրք յառաջադէմ  մտաւորականներու մօտ, որոնք անմիջապէս քննադատեցին անոր  ցեղապաշտ կեցուածքը, պահանջելով որ անմիջապէս  ներողութիւն խնդրէ հայ, յոյն եւ հրեայ  համայնքներէն   եւ ներկայացնէ հրաժարականը:

Անգարայի մէջ  դարձեալ  տեղի ունեցան  բողոքի ցոյցեր:Ցուցարարները  փակեցին   Տիքմէն  պողոտան, սակայն ոստիկանութիւնը  վերաբացաւ, օգտագործելով՝  արցունքաբեր կազ եւ   ջրցաններ: Ըստ կարգ մը  թրքական  օրաթերթերու,  Թուրքիոյ  կառավարութիւնը  որոշած է   փոխհատուցել ոստիկանութեան գործողութիւններուն ընթացքին տուժած անձերուն:

LEAVE A REPLY

Please enter your comment!
Please enter your name here