ՆԵՐԿԱՅԱՑՈՒՑԻՉՆԵՐՈՒ ՏՈՒՆԸ ՄԵՐԺԵՑ ՌԱԶՄԱԿԱՆ ՕԳՆՈՒԹԻՒՆ ՏՐԱՄԱԴՐԵԼ ՍՈՒՐԻՈՅ ԸՆԴԴԻՄՈՒԹԵԱՆ

0
121

Միացեալ Նահանգներու   Ներկայացուցիչներու Տունը  բուռն բանավէճերէ ետք,   որոշեց ռազմական  օգնութիւն չցուցաբերել Սուրիոյ ընդդիմութեան: Գոնկրէսի  քննարկումներուն  մասնակցեցաւ օրերս Լիբանանի մէջ սպասուող,  փոխպետական քարտուղար  Ուիլիյըմ Պըրնզը:  Այս  ծիիրն մէջ, պետական քարտուղար Ճոն Քերրի երէկ յստակօրէն  յայտարարեց, թէ Ուաշինկթըն ռազմական  օգնութիւն պիտի չցուցաբերէ  ընդդիմութեան: Նիստին ընթացքին,  գոնկրէսական Քրիս Սմիթ, նախագահ Պարաք Օպամայի  վարչամեքենայէն խնդրեց  բազմապատկել  սուրիահայերուն եւ Սուրիոյ   փոքրամասնութիւններուն  տրամադրուող   օժանդակութիւնները:  

Միացեալ Նահանգներու  բանակի ընդհանուր շտապի  պետ, զօրավար Մարթին Տեմսի  դիտել տուաւ, թէ   Սուրիոյ   օդային սահմաններուն  մէջ  ոչ   թռիչքային գօտի ստեղծելու   որոշումը  պիտի չկասեցնէ  արիւնահոսութիւնը:  Տեմսի նշեց, թէ  Սուրիոյ դէմ նմանօրինակ  քայլ մը, բաւական լուրջ  որոշումի կը կարօտի, մանաւանդ այն պահուն, երբ  Միացեալ Նահանգներ կը կրճատէ իր  զինուորական ծախսերը, ինչպէս նաեւ կը հրաժարի  Աֆղանիստանի հանդէպ ունեցած  կարգ մը յանձնառութիւններէն: 

Ռուսիոյ արտաքին գործոց նախարար   Սերկէյ Լաւրով  հեռաձայնային  հաղորդակցութիւն մը ունեցաւ իր թուրք պաշտօնակիցին Ահմէտ Տաւուտօղլուի հետ: Զրոյցին առանցքը կազմեց  Սուրիոյ իրավիճակը:  Երկու  նախարարները որոշեցին  ամենամօտիկ  ժամանակամիջոցին  ունենալ  հանդիպում մը:

LEAVE A REPLY

Please enter your comment!
Please enter your name here