ՊԸՐՆԶԻ ԱՅՑԵԼՈՒԹԻՒՆԸ ՅԵՏԱՁԳՈՒԵՑԱՒ – ՔԵՐՐԻ ՀԵՌԱԽՕՍԱՅԻՆ ԶՐՈՅՑ ՄԸ ՈՒՆԵՑԱՒ ՆԱԽԱԳԱՀ ՍԸԼԷՅՄԱՆԻ ՀԵՏ

0
108

  Միացեալ Նահանգներու  պետական քարտուղար Ճոն Քերրի  հեռաձայնային  հաղորդակցութիւն մը ունեցաւ հանրապետութեան նախագահ Միշէլ Սըլէյմանի հետ:  Պետական քարտուղարը  Սըլէյմանին ցաւակցութիւն յայտնեց   լիբանանեան  բանակի նահատակներոն համար եւ  Ուաշինթընի զօրակցութիւնը  փոխանցեց  լիբանանեան  բանակին,  ապահովական եւ սահմանադրական կառոյցներուն:  Քերրի եւ Սըլէյման  միաժամանակ զրուցեցին  Լիբանան  տեղափոխուած  սուրիացի  գաղթականներուն   անմիջական օժանդակելու  միջոցներուն, ինչպէս  նաեւ   «Ժընեւ -2» խորհրդաժողովի նախապատրաստութիւններուն մասին:  Նշենք, թէ պաշտօնական տուեալներով, Լիբանանի մէջ արձանագրուած սուրիացի   գաղթականներուն  թիւը կը հաշուէ    հինգ հարիւր հազար:  

      Միւս կողմէ, Ուաշինկթըն յայտարարեց, թէ փոխպետական քարտուղար  Ուիլյըմ Պըրնզի Լիբանան կատարելիք այցելութիւնը յետաձգուած է անորոշ  ժամկէտով:  Ուաշինկթըն  չնշեց   փոփոխութեան պատճառները: Միացեալ Նահանգներու փոխպետական քարտուղար  Ուիլըմ  Պըրնզ, իր նախատեսուած այցելութեան  ընթացքին   յաջորդական խորհրդակցութիւններ պիտի ունենար հանրապետութեան նախագահին,նշանակեալ եւ հրաժարեալ վարչապետներուն,  խորհրդարանի նախագահին եւ Մարտ  14-ի ուժերու ներկայացուցիչներուն հետ:

LEAVE A REPLY

Please enter your comment!
Please enter your name here