ՊԸՐՐԻ ՏՐԱՄԱԴՐՈՒԱԾ Է ԵՐԿԱՐԱՁԳԵԼՈՒ ԶՕՐ. ՔԱՀՈՒԱՃԻԻ ՊԱՇՏՕՆԱՎԱՐՈՒԹԵԱՆ ԺԱՄԿԷՏԸ

0
119

Խորհրդարանի նախագահ  Նեպիհ Պըրրի  տրամադրուած է  երեք տարիով երկարաձգելու  լիբանանեան բանակի բարձրաստիճան սպաներուն հանգստեան  կոչուելու տարիքը, ներառեալ՝բանակի հրամանատար զօրավար Ժան Քահուաճիի պաշտօնավարութեան  ժամկէտը:

 Փոփոխութիւն եւ  Բարեկարգում խորհրդարանական  խմբաւորումի պետ Միշէլ Աուն  մերժեց բանակի հրամանատարին պաշտօնավարութեան երկարաձգումը: Աուն յայտնեց, թէ  դէմ պիտի  քուէարկէ ներկայացուելիք  օրինագիծին: Լրատուական աղբիւրներ  կը  հաղորդեն, թէ  զօրավար Աշրաֆ Ռիֆիի  անունը դուրս  կը մնայ  վերոյիշեալ  փոփոխութիւններէն:   Պըրրի, յառաջիկայ  Հինգշաբթի առաւօտեան  ժամը տասին,  նիստի հրաւիրեց խորհրդարանական յանձնախումբերը, քննարկելու պետական պաշտօնեաներու   աշխատավարձերու  յաւելման   թղթածրարը:

LEAVE A REPLY

Please enter your comment!
Please enter your name here