ՊՐԱԶԻԼ ՀԱՍԱՒ ԳՈՆՖԵՏԵՐԷՅՇԸՆ ԳԱՓ-Ի ԱՒԱՐՏԱԿԱՆԻՆ

0
134

Պրազիլի հաւաքականը հասաւ «Գոնֆետերէյշըն Գափ»ի  աւարտականին:  Կիսաւարտական հանգրուանին,  պրազիլիացիները  2-1 արդիւնքով պարտութեան մատնեցին Ուրուկուէյը (կիսախաղ՝ 1-0):  Ֆրէտ եւ Փաուլինիօ նշանակեցին Պրազիլի կոլերը, Գաւանի՝  Ուրուկուէյի:

Մդցումի  12-րդ վայրկեանին,  Պրազիլի  բերդապահ  Խուլիօ  Սեզար  ետ մղեց  Ուրուկուէյի յարձակող Տիէկօ Ֆորլանի հարուածած  փենալթին:  Մրցումէն ետք, Ուրուկուէյի հաւաքականի յարձակող Լուիս  Սուարէզ   ըսաւ, թէ  Ուրուկուէյ  շատ աւելի լաւ կը խաղար , քան՝ Պրազիլը եւ  իր հաւաքականը արժանի էր յաղթանակի:

ՅԱՒԱԿՆՈՐԴՆԵՐ Կ’ԻՅՆԱՆ  ՈՒԻՄՊԸԼՏԸՆԻ ՄԷՋ

Ուիմպըլտընի  թենիսի  միջազգային մրցաշարքը սկսաւ  մեծ թիւով  յաւակնորդներու պարտութեամբ: Մարիա Շարափովա, Գարոլայն Վոզնիաքի, Վիքթորիա Ազարենքա, Ռաֆայէլ Նատալ եւ Ռոժէ Ֆետերէր դուրս մնացին մրցաշարքէն:   Վերջինս՝  7-6, 6-7, 5-7, 6-7 արդիւնքով անակնկալ պարտթուիւն մը կրեց ուքրանացի Սերկէյ  Սթախովսքիէն:

ԹԵՎԷԶ ՄԻԱՑԱՒ ԵՈՒՎԵՆԹՈՒՍԻ

Արժանթինի հաւաքականի եւ   Մանչեսթըր Սիթիի  յարձակող  Գարլոս Թեվէզ   երեք տարուան պայմանագրութիւն մը կնքեց  Եուվենթուսի հետ:  29-ամեայ  յարձակողին փոխանցման սակը կը  գնահատուի  10  միլիոն սթերլին:  Թեվէզ պիտի կրէ թիւ  10 շապիկը:

 

 

 

LEAVE A REPLY

Please enter your comment!
Please enter your name here