ԳՈՆԿՐԷՍԱԿԱՆ ԳՐԻՄ ԿԸ ԽՈՍՏԱՆԱՅ ԱՒԵԼԻ ՅԱՄԱՌ ՊԱՅՔԱՐ ՄՂԵԼ ՀԱՅՈՑ ՑԵՂԱՍՊԱՆՈՒԹԵԱՆ ՃԱՆԱՉՄԱՆ ՀԱՄԱՐ

0
115

Գոնկրէսական Մայքըլ Կրիմ,  Իլինոյ  նահանգի հայ համայնքին հետ հանդիպման  ընթացքին խոստացաւ աւելի յամառ  պայքար մղել  Հայոց  Ցեղասպանութեան ճանաչման համար:  Կրիմ խօսեցաւ  Հայոց Ցեղասպանութեան ճշմարիտ եւ արդար լուծման,  ցեղասպանութեան տարիներուն ընթացքին   Թուրքիոյ  կողմէ  յափշտակուած  սեփականութիւնները  վերադարձնելու,  հատուցելու , Հայաստան- Միացեալ Նահանգներ  առեւտրական համագործակցութեան եւ Լեռնային Ղարաբաղի անկախութեան  ճանաչման  վերաբերեալ հարցեր:  Ան  միաժամանակ յայտնեց, թէ ազատ  տեղ ըլլալու պարագային,   իր թեկնածութիւնը պիտի առաջադրէ  Ներկայացուցիչներու Տան արտաքին Յարաբերութիւններու  Յանձնաժողովի անդամակցութեան:

Նշենք, թէ Հայոց Ցեղասպանութիւնը ճանչցող թիւ 227-րդ բանաձեւը  յանձնուած է  Մ. Նահանգներու արտաքին յարաբերութիւններու  յանձնաժողովին, որուն  նախագահն է  Ցեղասպանութեան ճանաչման  ջատագով   գոնկրէսական  Էտ Ռոյսը:   

 

LEAVE A REPLY

Please enter your comment!
Please enter your name here