ՀԱՊԿի Ծիրին Մէջ՝ Հայաստանի Մէջ Պիտի Ստեղծուի Միացեալ Օդուժ

0
125

Հաւաքական Անվտանգութեան Պայմանագիրի Կազմակերպութեան (ՀԱՊԿ) գլխաւոր քարտուղար Նիքոլայ Պորտիւժան տուաւ միացեալ մամլոյ ասուլիս մը Հայաստանի Ազգային անվտանգութեան խորհուրդի քարտուղար Արթուր Բաղդասարեանի հետ. անոնք խօսեցան ՀԱՊԿի գործունէութեան, ինչպէս նաեւ տարածաշրջանային եւ Հայաստանի վերաբերող տարբեր խնդիրներու մասին։
Անդրադարձ կատարուեցաւ  ՀԱՊԿ-ի ծիրին մէջ Հայաստանի մէջ ստեղծուելիք միացեալ օդուժին, որուն իբրեւ արդիւնք Հայաստանի օդուժը ոչ միայն քանակական աճ պիտի ունենայ, այլ նաեւ պիտի արդիականացուի։ «Դա ՀԱՊԿի շրջանակներում ընդունուած որոշում է՝ միացեալ, հաւաքական աւիացիոն ուժեր ստեղծելու մասին: Փաստաթղթերը ստորագրուած են, գործում է աշխատանքային ժամանակացոյց, որի շրջանակներում այդ ուժերը պէտք է ձեւաւորուեն: Դա վերաբերում է ե՛ւ Կովկասեան տարածաշրջանին, ե՛ւ ՀԱՊԿ-ի տիրոյթում գտնուող միւս տարածաշրջաններին, որովհետեւ աւիացիոն բաղադրիչը չափազանց կարեւոր է: Բացի դրանից, այսօր քննարկւում էին նաեւ Գիւմրու մեր աւիացիոն բազային հետագայ արդիականացման խնդիրները Ռուսաստանի «Վերտալէօտի Ռոսիի» ընկերութեան հետ միասին: Հայաստանում ռազմաօդային պաշտպանութեան համակարգը արդիականացուելու է, վերազինուելու է», հաստատեց Արթուր Բաղդասարեան:
Իր կարգին Պորտիւժան նշեց, թէ ՀԱՊԿ-ի ծիրին մէջ մեծ թափով կ՛ընթանան հաւաքական ուժերու, որոնց կարգին հաւաքական օդուժի ստեղծման աշխատանքները, որոնք Կովկասեան տարածաշրջանին մէջ բաղկացած պիտի ըլլան հայ-ռուսական զօրամիաւորումներէն։ Հաւաքական օդուժը բաղկացած պիտի ըլլայ ազգային օդուժերուն տրամադրած զօրամիաւորումներէն եւ կոչուած պիտի ըլլայ առաջին հերթին ապահովելու զօրախումբերու տեղափոխումը այս կամ այն տարածաշրջան՝ ՀԱՊԿ-ի կողմէ գործողութիւններ կատարելու, երկրորդ՝ օդային պաշտպանութիւն ապահովելու ՀԱՊԿ-ի գործողութիւններուն համար:  Ուստի, ՀԱՊԿ-ի հաւաքական օդուժը աջակցութիւն պիտի ցուցաբերէ կազմակերպութեան անդամ պետութիւններու զինուած ուժերուն՝ երկրի ինքնիշխանութեան ու տարածքային ամբողջականութեան պաշտպանութեան ատեն:
Նախքան  ասուլիսը, Բաղդասրեանն ու Պորտիւժան ստորագրեցին 20 կէտէ բաղկացած արձանագրութիւն, որով կը նախատեսուի ամրապնդել ՀԱՊԿ անդամ պետութւիններու միջեւ փոխգործակցութիւնը:
«Կ՛իրականացուեն մի շարք միջոցառումներ, որոնք ունեն ոչ միայն երկկողմ նշանակութիւն, այլ նաեւ ներգրաւուած են ՀԱՊԿ անդամ միւս երկրները: Դրանք վերաբերում են ռազմական համագործակցութեան հետագայ խորացմանը, որովհետեւ ձեւաւորւում են կոլեկտիւ անվտանգութեան ուժեր Հարաւկովկասեան տարածաշրջանում, իսկ Կովկասում Հայաստանը ՀԱՊԿի միակ անդամն է: Կը ստեղծուեն յատուկ փրկարարական ստորաբաժանումներ ՀԱՊԿի շրջանակներում: Կը ձեւաւորուի մշտական երկխօսութեան մեխանիզմ յատուկ ծառայութիւնների, իրաւապահ մարմինների միջեւ: Կը ստեղծուի ոստիկանութեան մարմինների միջեւ փոխգործակցութիւնն ապահովող մշտական մեխանիզմ՝ ՀԱՊԿի շրջանակներում: Քայլեր կը ձեռնարկուեն մեր ռազմական ենթակառուցուածքները զարգացնելու ուղղութեամբ: Մասնաւորապէս, խօսքը վերաբերում է նոր համատեղ ձեռնարկութիւնների ստեղծմանը ռազմական արդիւնաբերութեան ոլորտում», յայտնեց  Արթուր Բաղդասարեանը:
Նիքոլայ Պորտիւժան  դիտել տուաւ որ այսօր զինուած հակամարտութիւններու սկսման ցուցանիշներ չկան, իսկ գոյութիւն ունենալու պարագային՝ ՀԱՊԿն համապատասխան քայլերու պիտի դիմէ, որպէսզի կացութիւնը հակակշիռի տակ մնայ։
Ան հաստատեց, որ Ղարաբաղեան խնդիրի ռազմական լուծում գոյութիւն չունի: «Կը կարծեմ, թէ միայն խաղաղ բանակցութիւններն ու փոխհամաձայնութիւնը կարելիութիւն պիտի տան լուծելու այս շատ բարդ, երկարաձիգ հակամարտութիւնը: Լուծման այլ տարբերակներ գոյութիւն չունին», նշած է Պորտիւժան: Անոր համաձայն, վերջին տարիներուն Կովկասի մէջ տեղի ունեցած իրադարձութիւնները անգամ մը եւս կը յուշեն, որ պատերազմ դիւրութեամբ կրնայ ծագիլ, սակայն նաեւ պէտք չէ մոռնալ, որ որքան դժուար է խաղաղութեան հասնիլը։ «Կը կարծեմ, թէ քաղաքական կարգ մը գործիչներ պարզապէս մոռցած են այդ դառը փորձը: Անոնք պարզապէս պէտք է յիշեն, թէ ինչ տեղի ունեցաւ 90ական թուականներուն, որպէսզի քիչ մը հանդարտին», նշեց ան։
ՀԱՊԿ-ի գլխաւոր քարտուղարը հաստատեց, որ պատերազմական մթնոլորտը հրահրող յայտարարութիւնները արդիւնաւէտ չեն, պէտք է բանակցութիւնները ծաւալիլ ԵԱՀԿ Մինսքի խումբի հովանիին տակ։

 

LEAVE A REPLY

Please enter your comment!
Please enter your name here