ՊԱՆ ՔԻ ՄՈՒՆ ԿԸ ԴԱՏԱՊԱՐՏԷ ԼԻԲԱՆԱՆԻ ԵՒ ՍՈՒՐԻՈՅ ՄԻՋԵՒ ԽԱԽՏՈՒՄՆԵՐԸ

0
144

ՄԱԿ-ի ընդհանւոր քարտուղար Պան Քի Մուն,  Ապահովութեան Խորհուրդի անդամներուն ներկայացուց   թիւ 1701 բանաձեւի  գործադրութեան  վերաբերեալ իր  հերթական տեղեկագիրը:  Սոյն տեղեկագիրին մէջ, Քի Մուն կը նշէ, թէ  Լիբանանի եւ Սուրիոյ միջեւ սահմանագիծերը  ճշդելու ուշացումը  չարդարացներ  լիբանանեան  հողերը  ոտնակոխելու վտանգաւոր փաստը :  Ան  խիստ մտահոգիչ  նկատեց  Սուրիոյ հակամարտութեան  մէջ լիբանանեան կողմերու  մասնակցութիւնը: ՄԱԿ-ի ընդհանուր քարտուղարը  միաժամանակ դատապարտեց իսրայէլեան  օդուժին կողմէ Լիբանանի  օդային տարածութիւնները թափանցելու  ամենօրեայ խախտումները:  Պան Քի Մուն  մաղթեց, որ Լիբանան եւ Իսրայէլ  շուտափոյթ  եւ  փոխադարձ  հասկացողութեամբ կը յստակացնեն  իրենց ծովային սահմանները:

LEAVE A REPLY

Please enter your comment!
Please enter your name here