ԲԱՆԱԿԸ ՍԱՅՏԱՅԻ ԿՐՕՆԱՒՈՐՆԵՐՈՒՆ ՅԱՆՁՆԵՑ ՊԻԼԱԼ ՊԸՆ ՌԱՊԱՀ ՄԶԿԻԹԸ

0
114

Լիբանանեան բանակը երէկ առաւօտեան Սայտայի կրօնաւորներուն յանձնեց  Պիլալ Պըն  Ռապահ մզկիթը:  Սայտայի  միւֆթի, շէյխ Սալիմ Սուսան խումբ մը կրօնաւորներու ընկերակցութեամբ այցելեց մզկիթը եւ յայտարարեց, թէ  ան  բաց պիտի  մնայ  հաւատացեալներուն  առջեւ: Ան նաեւ յայտնեց, թէ  մզկիթին  իմամը պիտի  ըլլայ շէյխ Մուհամմէտ Ապու Զէյտը:

 Լիբանանեան  բանակը գաղտնի սպասարկութիւնը   ձերբակալեց Ահմէտ Ասիրի երկրորդ  կինը, ապա՝ ազատ արձակեց:  Ապահովական աղբիւրները հաղորդեցին, թէ բանակը  ձերբակալած է  Ասիրի հետ  կռուող,  Իսրայէլի  ծառայութիւններ մատուցած, նախկին գործակալ՝  Մուհամմէտ Ալղրմըթին ( ծանօթ՝  Ապու Արիտա անունով): Ապահովական աղբիւրներ հաղորդեցին, թէ լիբանանեան  բանակի  երկու սպաներ  հարցաքննութեան  կ’ենթարկուին Սայտայի դէպքերուն ընթացքին Նատէր  Պայուպիի մահուան  առնչութեամբ:  Կարգ մը  աղբիւրներ կը յայտնեն,թէ  Պայուպի   ձերբակալուելէ  ետք, խոշտանգումի ենթարկուած է  բանակայիններու կողմէ, որուն  պատճառով դարձած էր տանջամահ: Միւս կողմէ, Լիբանանի մօտ Եգիպտոսի դեսպանատունը հերքեց  Սայտայի դէպքերուն  եգիպտացի  զինեալներու մասնակցութեան մասին տեղեկութիւնները:

LEAVE A REPLY

Please enter your comment!
Please enter your name here