ԵԳԻՊՏՈՍ ՎՏԱՆԳԱՒՈՐ ՀԱՆԳՐՈՒԱՆԻ ՄԸ ՍԵՄԻՆ

0
153

Եգիպտոսի իրավիճակը սրած է:  Գահիրէի, Ալեքսանտրիոյ եւ այլ քաղաքներու մէջ  բախումներ տեղի կ’ունենան նախագահ Մոհամմէտ Մորսիի  կողմնակիցներուն եւ անոր  հակառակորդներուն միջեւ:  Զոհերուն թիւը անցաւ  քսանը: Վիրաւորները՝ 700-ը: Անոնց մեծամասնութիւնը  ընդդիմադիրներ են:  Մայրաքաղաք՝ Գահիրէի  կեդրոնը  գտնուող  Թահրիր հրապարակը դարձած է  Մորսիի կողմնակիցներուն եւ հակառակորդներուն  թատերաբեմը: Ընդդիմութիւնը  սկզբունքով այսօր  մէկ միլիոննոց ցոյց մը  ծրագրած է կատարել Թահրիր հրապարակին վրայ եւ այլ քաղաքներու մէջ, պահանջելու՝ Մորսիի հրաժարականը: Նոյն պահուն, Մորսիի  կողմնակիցները  մտադրած են զօրակցական  հաւաքներ կատարել երկրի տարբեր շրջաններու մէջ:  Բանակը եւ ոստիկանութիւնը   ընդիմութիւնը կը  զգուշացնեն այսօրուան  բողոքի հաւաքներէն:

Անցնող օրերուն, հրապարակային  ելոյթի մը ընթացքին, նախագահ Մորսի ընդունեց ցարդ կատարած իր սխալները,եւ խոստացաւ  շարք մը  բարեկարգութիւններ:  Ան ազգային համերաշխութեան կոչ ուղղեց   քաղաքական   հոսանքներուն: Ընդդիմութիւնը մտադրութիւն չունի հրաժարելու իր ծրագիրներէն, մանաւանդ այսօրուան  բողոքի հաւաքներէն:

Ամերկեան աղբիւրներ  հաղորդեցին, թէ  մարինզ-ներու խումբ մը ստիպողական դրութեան տակ կը գտնուի՝  Գահիրէի մօտ Միացեալ Նահանգներու դեսպանատան դէմ որեւէ յարձակում կանխելու նպատակով:

LEAVE A REPLY

Please enter your comment!
Please enter your name here