ՀԱՅԱՍՏԱՆԻ ՄԷՋ ՆՇՈՒԵՑԱՒ ՌԱԶՄԱԿԱՆ ՕԴԱՆԱՒՈՐԴՈՒԹԵԱՆ ՕՐԸ

0
121

Հայաստանի մէջ նշուեցաւ «Աւիացիայի, ՀՕՊ եւ Ռադիօելեկտրոնային պաշտպանութեան» ստորաբաժանումներու օրը: «Էրեբունի» օդակայանին մէջ տեղի ունեցաւ տօնական հանրահաւաք, օդանաւային ցուցադրութիւն, ապա՝ տօնական համերգ։
Դիմելով հանրահաւաքի մասնակիցներուն՝ պաշտպանութեան նախարար Սէյրան Օհանեան դիտել տուաւ, որ օդուժը մեծ արժէք ունի երկիրի տարածքային ամբողջականութեան, անվտանգութեան եւ անկախութեան ապահովման իմաստով. ան հաստատած է, որ բանակի ամրապնդման ու հզօրացման իմաստով կարեւոր են ոչ միայն նիւթական ներդրումները, այլ նաեւ ամբողջ հասարակութեան նեցուկը: Հանդիսաւոր բաժինը աւարտեցաւ մրցանակներու յանձնման արարողութեամբ եւ քայլարշաւով:
Յուրախութիւն օդակայանին մէջ հաւաքուած հանդիսատեսներուն, 1 ժամէ աւելի տեւած ներկայացման ընթացքին ցուցադրուեցան տարբեր տեսակի օդանաւային սարքեր, օդանաւներ, ռազմաուսումնական ուղղաթիռներ: Առաջին անգամ ըլլալով նման ձեռնարկի մը մասնակցեցան «Լ-29» ուսումնամարզական ուղղաթիռները: Ցուցադրական թռիչքներուն մասնակցեցան նաեւ «Մի-8» եւ «Մի-24» ուղղաթիռները: Ներկաներուն ուրախութիւնը իր գագաթնակէտին հասաւ, երբ օդանաւերը եռագոյնը պարզեցին հայաստանեան երկինքին վրայ։
«Սա իսկապէս համազգային տօն է: Նմանատիպ իւրաքանչիւր տօն թոյլ է տալիս յիշել անցած ուղին: Կարող եմ ասել, որ ՀՕՊն ու օդուժը բանակի ստեղծման առաջին իսկ օրից իրականացրել են իրենց առաջ դրուած առաջադրանքները: Զարգանում են մեր ռադիոելեկտրոնային պաշտպանութեան հնարաւորութիւնները», հաստատեց Սէյրան Օհանեան:

 

LEAVE A REPLY

Please enter your comment!
Please enter your name here