ՍԱԼԱՄ ԸՆՏՐԱՆՔՆԵՐՈՒ ԱՌՋԵՒ

0
113

Նորանշանակ վարչապետ  Թամամ Սալամ երէկ առաւօտեան այցելեց Պաապտայի պալատ եւ   խորհրդակցութիւն մը ունեցաւ հանրապետութեան նախագահ  Միշէլ Սըլէյմանի հետ: Սալամ քննարկեց երկրին ապահովական իրավիճակը եւ նոր կառավարութեան կազմութեան  ընթացքը:  Հանդիպումը աւարտելէ ետք, Սալամ առանց որեւէ յայտարարութիւն կատարելու մեկնեցաւ  նախագահական պալատէն: 

Սալամի մօտիկ աղբիւրները կը յայտնեն, թէ վարչապետը կ’ապաւինի  Նեպիհ Պըրրիի եւ Ուալիտ Ճոմպլաթի  միջնորդութիւններուն:  Անոնք յայտնեցին, թէ  Սալամ կը  փափաքի  գլխաւորել  ազգային շահերու կառավարութիւն մը:  Իր կարգին,  Սալամ նշեց,թէ    չորս ընտրանքներու առջեւ կը  գտնուի ներկայիս եւ  չի կրնար  յաւերժ  սպասել միջնորդութեան   ճիգերուն: Առաջինը՝  քաղաքական բոլոր  կողմերուն հետ  համագործակցաբար եւ  հասկացողութեամբ կառավարութիւն մը, երկրորդը՝ իրողական կառավարութիւն մը, երրորդը՝  հրաժարիլ կազմութենէն եւ   ներկայացնել հրաժարականը, չորրորդ՝ փախուստ եւ  ժամավաճառութիւն : Սալամ  անհիմն նկատեց կառավարութեան կազմին մասին, մամուլի մէջ նշուած անունները:

LEAVE A REPLY

Please enter your comment!
Please enter your name here