ՔՐՏԱԿԱՆ ԽՈՐՀՈՒՐԴԻ ՍՏԵՂԾՈՒՄ

0
107

Քրտական ոչ պաշտօնական մայրաքաղաք  Տիարպեքիրի մէջ, Թուրքիոյ պատմութեան մէջ առաջին անգամ  ըլլալով պիտի ստեղծուի քրտական ինքնավար  խորհրդարան: Ըստ  Թուրքիոյ Գոնկրէսի Դեմոկրատական խմբակցութեան նախագահ Ահմէտ  Թիւրքի՝ քրտական խորհուրդի ստեղծման գլխաւոր  նպատակը Թուրքիոյ  էթնիկ  փոքրամասնութեան ներկայացումն ու պաշտպանութիւնն է, ինչպէս նաեւ քրտական ու թրքական  իշխանութիւններու  միջեւ երկխօսութիւնը:

Նման մարմնի ստեղծման  որոշումը  ընդունուած է  այս տարուան Յունիսին  կայացած թուրք- քրտական  համաժողովին:  Ըստ  նախնական տեղեկութիւններու՝ քրտական խորհուրդը բաղկացած պիտի ըլլայ  ինը անձերէ եւ պիտի  ունենայ  տարածաշրջանային  իշխանութիւն:

 Հարաւարեւելեան Թուրքիոյ մէջ բախումներ տեղի ունեցան  քիւրտերու եւ թուրք ոստիկանութեան միջեւ : Քիւրտերը   հաւաք մը կազմակերպած  էին, առ ի բողոք  անվտանգութեան ուժերու կողմէ  18-ամեայ երիտասարդի մը դէմ կատարուած վայրագութիւններուն:  Քրտական  թեքումով Խաղաղութիւն եւ Ժողովրդավարութիւն կուսակցութիւնը   Թուրքիոյ  տարբեր  շրջաններու մէջ    բողոքի ցոյցեր կատարելու կոչ ուղղեց  ժողովուրդին:

LEAVE A REPLY

Please enter your comment!
Please enter your name here