ԸՆԴԴԻՄՈՒԹԻՒՆԸ ՄԻՆՉԵՒ ԵՐԵՔՇԱԲԹԻ ԿԷՍՕՐԷ ԵՏՔ ԺԱՄԸ ՀԻՆԳ ՀՐԱԺԱՐԵԼՈՒ ՊԱՅՄԱՆԱԺԱՄ ՏՈՒԱՒ ՄՈՐՍԻԻՆ

0
104

 Կիրակի օրուան արիւնալի դէպքերէն  ետք,   Եգիպտոսի ընդդիմութիւնը  մինչեւ Երեքշաբթի,  կէսօրէ ետք  ժամը  հինգ  հրաժարելու պայմանաժամ տուաւ նախագահ  Մոհամմէտ Մորսիին: Եգիպտոսի տարբեր  շրջաններէն միլիոնաւոր  քաղաքացիներ փողոց  դուրս  գալով,  պահանջեցին նախագահ Մոհամմէտ Մորսիի հրաժարականը:  Խաղաղութեան նոպէլեան մրցանակակիր, «Ալ Տուսթուր»  կուսակցութեան  ղեկավար  Մուհամմէտ Ալ Պարատէյ յայտարարեց, թէ երկիրը կը գտնուի փակուղիի առջեւ: Ան յսաւ, թէ  Մորսի  ատակ չէ  ղեկավարելու երկիրը: Նախագահ  Մոհամմէտ Մորսի մերժեց վաղաժամ  նախագահական  ընտրութիւններ կատարելու կոչերը:  Ան նաեւ  զգուշացուց, թէ երկրորդ յեղափոխութեան մը   փորձերը  ձախողութեան դատապարտուած են Եգիպտոսի մէջ: Ազգային Փրկութեան Ճակատը յայտարարեց, թէ  կը մասնակցի Թահրիր հրապարակի վրայ  տեղի ունեցող բողոքի հաւաքին:

Գահիրէի մէջ  ցուցարարները յարձակեցան  Իսլամական Եղբայրակցութեան շտապի գրասենեակին վրայ եւ գրաւեցին անոնց կեդրոնը:  Բողոքներուն  լոյսին տակ,  կառավարութեան  չորս անդամներ ներկայցուցին  իրենց հրաժարականը:

Միացեալ Նահանգներ,  Հոլանտա,  Քուէյթ եւ Քաթար իրենց  քաղաքացիներէն  պահանջեցին հեռանալ Եգիպտոսէն:

Առողջապահութեան նախարարութիւնը հաղորդեց, թէ  Կիրակի  օրուան  բողքի ցոյցերուն ընթացքին  զոհերուն թիւը  բարձրացած է  14-ի, իսկ   վիրաւորները՝  900-ի:

LEAVE A REPLY

Please enter your comment!
Please enter your name here